പ്രതിരോധ, സുരക്ഷാ ബന്ധങ്ങൾ ശക്തിപ്പെടുത്താൻ സൗദി സായുധ സേനാ മേധാവി പാക് നേതൃത്വവുമായി ചർച്ച നടത്തി

റിയാദ്:  പ്രതിരോധം, സുരക്ഷ, തീവ്രവാദ വിരുദ്ധ ശ്രമങ്ങള്‍ എന്നിവയില്‍ ശ്രദ്ധ കേന്ദ്രീകരിച്ച് ഇരു രാജ്യങ്ങളും തമ്മിലുള്ള തന്ത്രപരമായ സഹകരണം ശക്തിപ്പെടുത്തുന്നത് സംബന്ധിച്ച് സൗദി അറേബ്യയുടെ ഉന്നത ജനറല്‍ പാകിസ്ഥാനിലെ സിവില്‍, സൈനിക നേതൃത്വവുമായി ചര്‍ച്ചകള്‍ നടത്തി.

സൗദി അറേബ്യന്‍ സായുധ സേനയുടെ ചീഫ് ഓഫ് ജനറല്‍ സ്റ്റാഫ് ജനറല്‍ ഫയാദ് ബിന്‍ ഹമേദ് അല്‍-റുവൈലി പ്രധാനമന്ത്രി ഷഹബാസ് ഷെരീഫുമായി കൂടിക്കാഴ്ച നടത്തി. 

പ്രതിരോധം, സുരക്ഷ, സാമ്പത്തിക സഹകരണം എന്നീ മേഖലകളില്‍ ഉഭയകക്ഷി ബന്ധം കൂടുതല്‍ ശക്തിപ്പെടുത്താനുള്ള പാകിസ്ഥാന്റെ താല്‍പ്പര്യം ഷെരീഫ് കൂടിക്കാഴ്ചയില്‍ ആവര്‍ത്തിച്ചു.