ഗാസയിൽ നിന്ന് വീണ്ടും ഒരു ബന്ദിയുടെ മൃതദേഹം ഇസ്രായേലിന് കൈമാറി

ഗാസ: ഗാസയില്‍ മരിച്ച ഒരു ബന്ദിയുടെ മൃതദേഹം കൂടി റെഡ് ക്രോസ് ഇസ്രായേല്‍ സൈന്യത്തിന് കൈമാറി. ഹമാസും ഇസ്രായേലും തമ്മിലുള്ള വെടിനിര്‍ത്തല്‍ കരാര്‍ പ്രകാരമുള്ള മൃതദേഹങ്ങള്‍ കൈമാറുന്നതിലെ കാലതാമസത്തെ ചൊല്ലിയുള്ള തര്‍ക്കങ്ങള്‍ക്കിടയിലാണ് ഈ കൈമാറ്റം.

മരിച്ച ഒരു ബന്ദിയെ റെഡ് ക്രോസിന് കൈമാറാന്‍ പദ്ധതിയിടുന്നതായി ഹമാസ് വെള്ളിയാഴ്ച അറിയിച്ചിരുന്നു. ഗാസയില്‍ സൂക്ഷിച്ചിരുന്ന 28 മൃതദേഹങ്ങളില്‍ ഇസ്രായേലിന് ലഭിക്കുന്ന പത്താമത്തെ മൃതദേഹമാണിത്.

 അവശിഷ്ടങ്ങള്‍ക്കടിയില്‍ കുഴിച്ചിട്ട മൃതദേഹങ്ങള്‍ കണ്ടെത്താനുള്ള പ്രക്രിയ വേഗത്തിലാക്കാന്‍ തങ്ങള്‍ക്ക് ഭാരമേറിയ യന്ത്രസാമഗ്രികളും ഖനന ഉപകരണങ്ങളും ആവശ്യമാണെന്ന് സാങ്കേതിക പ്രശ്നങ്ങള്‍ ചൂണ്ടിക്കാട്ടി ഹമാസ് അറിയിച്ചു.

ബന്ദികളുടെ മൃതദേഹം എവിടെയാണെന്ന് ഹമാസിന് അറിയാമെന്ന് ഇസ്രായേല്‍ വാദിക്കുകയും, സമയം തീര്‍ന്നുപോവുകയാണെന്ന് ഗ്രൂപ്പിന് മുന്നറിയിപ്പ് നല്‍കുകയും ചെയ്തിരുന്നു.