ഗാസയിൽ ഇസ്രയേൽ വ്യോമാക്രമണത്തിൽ ഹമാസ് വക്താവും ഉന്നത കമാൻഡറുമായ അബു ഒബൈദ കൊല്ലപ്പെട്ടു

ഗാസ: ഹമാസിന്റെ സായുധ വിഭാഗത്തിന്റെ വക്താവും പലസ്തീന്‍ തീവ്രവാദ ഗ്രൂപ്പിന്റെ ഉന്നത കമാന്‍ഡറുമായ അബു ഒബൈദ വാരാന്ത്യത്തില്‍ ഗാസയില്‍ കൊല്ലപ്പെട്ടതായി ഇസ്രായേല്‍ പ്രതിരോധ മന്ത്രി ഇസ്രായേല്‍ കാറ്റ്‌സ് അറിയിച്ചു.

യുദ്ധ മേഖലയായി പ്രഖ്യാപിച്ച ഗാസ സിറ്റിയില്‍ ഇസ്രായേല്‍ പുതിയ സൈനിക ആക്രമണത്തിന്റെ പ്രാരംഭ ഘട്ടം ആരംഭിച്ച വെള്ളിയാഴ്ചയാണ് ഒബൈദ അവസാനമായി പ്രത്യക്ഷപ്പെട്ടത്. ഇസ്രായേലിന്റെ അവകാശവാദത്തോട് ഹമാസ് ഇതുവരെ പ്രതികരിച്ചിട്ടില്ല.

ഹമാസിന്റെ ഖസ്സാം ബ്രിഗേഡുകളുടെ ദീര്‍ഘകാല വക്താവായ ഒബൈദയെ ഇസ്രായേല്‍ ആക്രമിച്ചതായി പ്രധാനമന്ത്രി ബെഞ്ചമിന്‍ നെതന്യാഹു നേരത്തെ സ്ഥിരീകരിച്ചിരുന്നു, എന്നാല്‍ ആക്രമണം മാരകമായിരുന്നോ എന്ന് ആ സമയത്ത് വ്യക്തമല്ലായിരുന്നുവെന്ന് അദ്ദേഹം പറഞ്ഞു.