/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/09/08/untitled-2025-09-08-15-42-22.jpg)
കാഠ്മണ്ഡു: സോഷ്യല്‍ മീഡിയ നിരോധനത്തിനെതിരെ കാഠ്മണ്ഡുവിലെ തെരുവുകളില്‍ വന്‍ പ്രതിഷേധങ്ങള്‍.
ആയിരക്കണക്കിന് ജെന്‍ ഇസഡ് ആണ്‍കുട്ടികളും പെണ്‍കുട്ടികളും സോഷ്യല്‍ മീഡിയ നിരോധനത്തിനെതിരെ തെരുവിലിറങ്ങി ശബ്ദമുയര്‍ത്തുന്നു. ഇതിന്റെ പശ്ചാത്തലത്തില്‍ കാഠ്മണ്ഡുവില്‍ കര്‍ഫ്യൂ ഏര്‍പ്പെടുത്തിയിട്ടുണ്ട്. ഇതിന് പിന്നാലെ 5 മരണവലും 80 പേര്‍ക്ക് പരിക്കും പറ്റിയതായി അധികൃതര്‍ വ്യക്തമാക്കി.
നേപ്പാളിലെ നിലവിലെ സാഹചര്യം കണക്കിലെടുത്ത്, ഇന്ത്യ-നേപ്പാള്‍ അതിര്‍ത്തിയില്‍ ജാഗ്രത വര്‍ദ്ധിപ്പിക്കും. ഇന്ത്യ-നേപ്പാള്‍ അതിര്‍ത്തിയില്‍ എസ്എസ്ബി ജാഗ്രത വര്‍ദ്ധിപ്പിച്ചു.
അതിര്‍ത്തിയുടെ സുരക്ഷയ്ക്കായി എസ്എസ്ബിയെ വിന്യസിച്ചിട്ടുണ്ട്. എസ്എസ്ബി കൂടുതല്‍ സൈനികരെയും നിരീക്ഷണത്തെയും വര്‍ദ്ധിപ്പിച്ചു.
കാഠ്മണ്ഡുവിലെ വിവിധ നഗരങ്ങളില്‍ പ്രധാനമന്ത്രി കെ പി ശര്‍മ്മ ഒലിയുടെ സര്‍ക്കാരിനെതിരെ ജെന്‍ ഇസഡ് വിപ്ലവം ആരംഭിച്ചിട്ടുണ്ട്. ഇതിനിടയില്‍ പ്രതിഷേധക്കാര്‍ പാര്‍ലമെന്റ് മന്ദിരത്തിലേക്ക് പ്രവേശിച്ചു.
സ്ഥിതിഗതികള്‍ നിയന്ത്രിക്കാന്‍ പോലീസ് കണ്ണീര്‍ വാതക ഷെല്ലുകള്‍ പ്രയോഗിച്ചു. സോഷ്യല്‍ മീഡിയ നിരോധിച്ച സര്‍ക്കാര്‍ നടപടി മുതല്‍ അഴിമതി വരെയുള്ള എല്ലാത്തിനും എതിരെ രാജ്യത്തെ പുതിയ യുവതലമുറ പ്രതിഷേധിക്കുകയാണ്.