നേപ്പാൾ കലാപത്തിൽ മരണസംഖ്യ 50 കവിഞ്ഞു: കൊല്ലപ്പെട്ടവരിൽ ഇന്ത്യൻ സ്ത്രീയും

കാഠ്മണ്ഡു;  നേപ്പാളിലെ യുവാക്കളുടെ നേതൃത്വത്തില്‍ ദിവസങ്ങളായി നടന്ന ജെന്‍ സി പ്രതിഷേധങ്ങളില്‍ 51 പേര്‍ കൊല്ലപ്പെടുകയും നൂറുകണക്കിന് പേര്‍ക്ക് പരിക്കേല്‍ക്കുകയും ചെയ്തതിനെത്തുടര്‍ന്ന് വെള്ളിയാഴ്ച നേപ്പാളില്‍ അസ്വസ്ഥമായ ശാന്തത നിലനിന്നു.

ഗാസിയാബാദില്‍ നിന്നുള്ള ഒരു ഇന്ത്യന്‍ സ്ത്രീയും മൂന്ന് പോലീസ് ഉദ്യോഗസ്ഥരും മരിച്ചവരില്‍ ഉള്‍പ്പെടുന്നു.

അതേസമയം, നേപ്പാളിന്റെ മുന്‍ ചീഫ് ജസ്റ്റിസ് സുശീല കാര്‍ക്കിയെ ഇടക്കാല പ്രധാനമന്ത്രിയായി നിയമിക്കാന്‍ സാധ്യതയുണ്ടെന്ന് വൃത്തങ്ങള്‍ അറിയിച്ചു.

നേതാക്കള്‍ക്കുള്ളിലെ വിഭാഗീയത കാരണം അവരുടെ നിയമനം തടഞ്ഞുവച്ചിരിക്കുകയാണ്, രണ്ടാമത്തെ സംഘം നേപ്പാള്‍ വൈദ്യുതി അതോറിറ്റി മുന്‍ മേധാവി കുല്‍മാന്‍ ഗിസിങ്ങിന്റെ പേര് സ്ഥാനത്തേക്ക് നിര്‍ദ്ദേശിച്ചിരുന്നു.