ആഗോള ടെക്നോളജി രംഗത്തെ ഭീമന്‍മാരായ ഗൂഗിളും സാംസങ്ങും കൈകോര്‍ക്കുന്നു. ആന്‍ഡ്രോയ്ഡ് എക്സ്ആര്‍ സ്മാര്‍ട്ട് ഗ്ളാസുകള്‍ 2026ല്‍ വിപണിയിലിറക്കുകയാണ് ഇതിന്‍റെ ലക്ഷ്യം.
ഈ സ്മാര്‍ട്ട് ഗ്ളാസിന്‍റെ പ്രോട്ടോടൈപ്പ് കഴിഞ്ഞ വര്‍ഷം തന്നെ ഗൂഗിള്‍ പുറത്തിറക്കിയിരുന്നെങ്കിലും, ഇതുവരെ വാണിജ്യാടിസ്ഥാനത്തില്‍ പുറത്തിറക്കിയിട്ടില്ല. ഓഗ്മെന്‍റഡ് റിയാലിറ്റി, എക്സ്ററന്‍റഡ് റിയാലിറ്റി മേഖലയില്‍ വിപ്ളവം സൃഷ്ടിക്കാന്‍ എക്സ്ആര്‍ ഗ്ളാസുകള്‍ക്കു സാധിക്കുമെന്നാണ് ഗൂഗിളിന്‍റെ പ്രതീക്ഷ.
സോഫ്റ്റെ്വയര്‍ രംഗത്തെ ഗൂഗിളിന്‍റെ വൈദഗ്ധ്യവും ഹാര്‍ഡ്വെയര്‍ രംഗത്തെ സാംസങ്ങിന്‍റെ പരിചയസമ്പത്തും ഒരുമിക്കുമ്പോള്‍ വിപണിയില്‍ ട്രെന്‍ഡ് സെറ്ററായി മാറാന്‍ ഇതിനു സാധിച്ചേക്കും.
ആന്‍ഡ്രോയ്ഡ് ആപ്പുകളും ഗൂഗിള്‍ സര്‍വീസുകളും കണ്ണടയിലൂടെ ഉപയോഗിക്കാന്‍ സാധിക്കുന്ന തരത്തിലാണ് ഇതിന്‍റെ രൂപകല്‍പ്പന. ഇതര ഭാഷകളിലുള്ള ഫോണ്‍കോളുകള്‍ തത്സമയം സ്വന്തം ഭാഷയില്‍ കേള്‍ക്കാനും ഗൂഗിള്‍ മാപ്പ് നാവിഗേറ്റ് ചെയ്യാനുമെല്ലാമുള്ള സൗകര്യങ്ങള്‍ ഇതിലുണ്ടാകും.
Follow Us/sathyam/media/media_files/2025/04/16/Rup3s7fcPitLPeNxiEyD.jpg)
/sathyam/media/agency_attachments/5VspLzgrB7PML1PH6Ix6.png)
