തണുപ്പുകാലമായാല്‍ പനിയും വരും ചുമയും വരും. ഇതൊക്കെ സാധാരണം മാത്രം ! വിദേശികള്‍ക്ക് ചൈനയിലേക്കുള്ള യാത്ര സുരക്ഷിതം. ഹ്യൂമന്‍ മെറ്റാപ്ന്യൂമോവൈറസിനെ പേടിക്കാതെ ധൈര്യമായി ആര്‍ക്കും രാജ്യത്തേക്ക് വരാമെന്ന് ചൈന

ബെയ്ജിംഗ്: ചൈനയില്‍ ഹ്യൂമന്‍ മെറ്റാപ്ന്യൂമോവൈറസ് (എച്ച്എംപിവി) പൊട്ടിപ്പുറപ്പെട്ടതിനാല്‍ ആഗോളതലത്തില്‍ ആശങ്കകള്‍ വര്‍ധിച്ചിരിക്കുകയാണ്. ഇതിന് കോവിഡ്-19-ന് സമാനമായ ഫ്‌ലൂ പോലുള്ള ലക്ഷണങ്ങളുണ്ടെന്നാണ് റിപ്പോര്‍ട്ട്.

എന്നാല്‍ കഴിഞ്ഞ വര്‍ഷത്തെ അപേക്ഷിച്ച് ഈ വര്‍ഷം ശൈത്യകാലത്ത് രാജ്യത്ത് ശ്വാസകോശ സംബന്ധമായ അസുഖങ്ങള്‍ കുറവാണെന്നാണ് ചൈനയുടെ അവകാശവാദം. എച്ച്എംപിവിയെ പേടിക്കേണ്ടതില്ലെന്നും ഇത് സാധാരണ ശൈത്യകാല രോഗം മാത്രമാണെന്നുമാണ് ചൈന പറയുന്നത്

വിദേശികള്‍ക്ക് ചൈനയിലേക്കുള്ള യാത്ര സുരക്ഷിതമാണെന്ന് ചൈനീസ് വിദേശകാര്യ മന്ത്രാലയം അറിയിച്ചു. 

ശൈത്യകാലത്ത് സാധാരണായിയ ശ്വസന അണുബാധകള്‍ ഏറ്റവും ഉയര്‍ന്ന നിലയിലാണെന്ന് രാജ്യത്ത് 'ഇന്‍ഫ്‌ലുവന്‍സ എ'യും മറ്റ് ശ്വാസകോശ സംബന്ധമായ അസുഖങ്ങളും പടരുന്നതിനെക്കുറിച്ചുള്ള ചോദ്യത്തിന് മറുപടിയായി മന്ത്രാലയ വക്താവ് മാവോ നിംഗ് മാധ്യമപ്രവര്‍ത്തകരോട് പറഞ്ഞു.

ശൈത്യകാലത്ത് ശ്വാസകോശ സംബന്ധമായ അണുബാധകള്‍ പൊട്ടിപ്പുറപ്പെടുന്നത് സാധാരണമാണെന്നും ചൈനയിലേക്ക് യാത്ര ചെയ്യുന്നത് സുരക്ഷിതമാണെന്നും മാവോ നിംഗ് പറഞ്ഞു.

എച്ച്എംപിവിയെക്കുറിച്ച് പരിഭ്രാന്തരാകരുതെന്ന് ഇന്ത്യയിലെ ഡയറക്ടറേറ്റ് ജനറല്‍ ഓഫ് ഹെല്‍ത്ത് സര്‍വീസസ് (ഡിജിഎച്ച്എസ്) ഉദ്യോഗസ്ഥനായ ഡോ. അതുല്‍ ഗോയല്‍ ജനങ്ങളോട് അഭ്യര്‍ത്ഥിച്ചിരുന്നു. ജലദോഷം പോലെയുള്ള ശ്വാസകോശ സംബന്ധമായ വൈറസാണിതെന്നും ഇത് കുട്ടികളിലും പ്രായമായവരിലും പനി പോലുള്ള ലക്ഷണങ്ങള്‍ ഉണ്ടാക്കുമെന്നും അദ്ദേഹം പറഞ്ഞു.

എന്നാല്‍ ചൈനയില്‍ ഹ്യൂമന്‍ മെറ്റാപ്ന്യൂമോവൈറസിന്റെ (എച്ച്എംപിവി) വ്യാപനം ആഗോളതലത്തില്‍ ആരോഗ്യപ്രശ്നങ്ങള്‍ ഉയര്‍ത്തിയിട്ടുണ്ട്. ഇതിന്റെ ലക്ഷണങ്ങള്‍ ഫ്‌ലൂ പോലെയാണ്, മാത്രമല്ല ഇത് കൊവിഡ്19 ന് സമാനവുമാണ്, ഇത് ആശങ്ക കൂടുതല്‍ വര്‍ദ്ധിപ്പിച്ചു

അഞ്ച് വര്‍ഷം മുമ്പ് കൊവിഡ് പൊട്ടിപ്പുറപ്പെട്ടതിന്റെ ഓര്‍മ്മകള്‍ തിരികെ കൊണ്ടുവരികയും ചൈനയിലെ ആശുപത്രികളില്‍ മാസ്‌ക് ധരിച്ചിരിക്കുന്ന ആളുകളുടെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലാകുകയും ചെയ്യുന്നുണ്ട്. 

കോവിഡിനെപ്പോലെ, എച്ച്എംപിവി പൊട്ടിപ്പുറപ്പെടുന്നത് ആഗോള പാന്‍ഡെമിക്കിനെക്കുറിച്ചുള്ള ആശങ്കകള്‍ ഉയര്‍ത്തിയിട്ടുണ്ട്.