ആകാശത്ത് വെച്ച് തീഗോളമായി മാറി ഹോട്ട് എയർ ബലൂൺ, ബ്രസീലിൽ ഉണ്ടായ ദാരുണമായ അപകടത്തിൽ 8 പേർ മരിച്ചു, 13 പേർക്ക് പരിക്ക്

ബ്രസീല്‍: ബ്രസീലിലെ സാന്താ കാതറീന സംസ്ഥാനത്ത് ഹോട്ട് എയര്‍ ബലൂണിന് തീപിടിച്ച് ബലൂണില്‍ ഉണ്ടായിരുന്ന എട്ട് പേര്‍ക്ക് ജീവന്‍ നഷ്ടപ്പെട്ടു. സംഭവത്തിന്റെ വീഡിയോ സോഷ്യല്‍ മീഡിയയില്‍ വ്യാപകമായി പ്രചരിക്കുകയാണ്.

റോയിട്ടേഴ്സിന്റെ റിപ്പോര്‍ട്ട് പ്രകാരം, സാന്താ കാതറീന സംസ്ഥാനത്തെ പ്രിയ ഗ്രാന്‍ഡെ നഗരത്തിലാണ് ഈ ദുരന്തം നടന്നത്. ആകാശത്ത് പറന്നുകൊണ്ടിരുന്ന ഹോട്ട് എയര്‍ ബലൂണിന് അപ്രതീക്ഷിതമായി തീപിടിച്ചു. ഇതിന്റെ ഫലമായി എട്ട് പേര്‍ സംഭവസ്ഥലത്തുതന്നെ മരിച്ചു. രണ്ടു പേരുടെ നില അതീവ ഗുരുതരമാണ്.

ശനിയാഴ്ച രാവിലെ, 21 പേരുമായി ഹോട്ട് എയര്‍ ബലൂണ്‍ പറന്നുയര്‍ന്നു. ഉയരത്തില്‍ എത്തിയ ഉടന്‍ തന്നെ ബലൂണില്‍ നിന്ന് തീപ്പൊരി പുറത്ത് വന്നതോടെ തീ പടര്‍ന്നു. ഈ ദൃശ്യങ്ങള്‍ സോഷ്യല്‍ മീഡിയയിലുടനീളം പ്രചരിച്ചു.

വീഡിയോയില്‍, ഹോട്ട് എയര്‍ ബലൂണ്‍ വായുവില്‍ തീഗോളമായി മാറുന്നത് വ്യക്തമായി കാണാം. തുടര്‍ന്ന്, ബലൂണില്‍ ഉണ്ടായിരുന്നവര്‍ ഒന്നൊന്നായി താഴേക്ക് വീഴുകയും, ബലൂണ്‍ ചാരമായി താഴേക്ക് വീണു കത്തുകയും ചെയ്യുന്നു.

അപകടത്തില്‍ എട്ട് പേര്‍ മരിച്ചു, 13 പേര്‍ക്ക് ഗുരുതരമായി പരിക്കേറ്റതായും അഗ്‌നിശമന സേന അറിയിച്ചു.

 ഇതില്‍ രണ്ട് പേരുടെ നില അതീവ ഗുരുതരമാണ്. പരിക്കേറ്റവരെ എല്ലാവരെയും സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്.