പാകിസ്ഥാൻ തിരഞ്ഞെടുപ്പ്: വിജയം അവകാശപ്പെട്ട് നവാസ് ഷെരീഫും ഇമ്രാൻ ഖാനും

ഇസ്ലാമാബാദ്‌: പാകിസ്ഥാൻ തിരഞ്ഞെടുപ്പിൽ വിജയം പ്രഖ്യാപിച്ച്  നവാസ് ഷെരീഫും ഇമ്രാൻ ഖാനും. വ്യാഴാഴ്ച നടന്ന തിരഞ്ഞെടുപ്പിൽ നവാസ് ഷരീഫിൻ്റെ പാർട്ടി ഏറ്റവും കൂടുതൽ സീറ്റുകൾ നേടി. എന്നാൽ തടവിലിൽ കഴിയുന്ന ഇമ്രാൻ ഖാൻ്റെ അനുയായികൾ അദ്ദേഹത്തിൻ്റെ പാർട്ടിയെ തിരഞ്ഞെടുപ്പിൽ നിന്ന് തടഞ്ഞതിനെത്തുടർന്ന് സ്വതന്ത്രനായി മത്സരിച്ച് മൊത്തത്തിൽ ഏറ്റവും കൂടുതൽ സീറ്റുകൾ നേടി.

സ്വന്തം പാർട്ടിക്ക് വ്യക്തമായ ഭൂരിപക്ഷം നേടാനാകാത്തതിനാൽ സഖ്യ സർക്കാർ രൂപീകരിക്കാൻ മറ്റ് ഗ്രൂപ്പുകളുമായി സംസാരിക്കുമെന്ന് നവാസ് ഷെരീഫ് പറഞ്ഞു.

തീവ്രവാദി ആക്രമണത്തിൽ 28 പേർ കൊല്ലപ്പെട്ട വ്യാഴാഴ്ച വോട്ടെടുപ്പ് അവസാനിച്ച് 24 മണിക്കൂറിന് ശേഷം 265 സീറ്റുകളിൽ മുക്കാൽ ഭാഗവും ഫലം പ്രഖ്യാപിച്ചതിന് പിന്നാലെയാണ് നവാസ് ഷെരീഫിൻ്റെ പ്രഖ്യാപനം.

സാമ്പത്തിക പ്രതിസന്ധിയിൽ നിന്ന് കരകയറാൻ പാടുപെടുന്ന പാക്കിസ്ഥാൻ്റെ ദുരിതങ്ങൾ കൂട്ടിച്ചേർത്ത്, ധ്രുവീകരിക്കപ്പെട്ട രാഷ്ട്രീയ അന്തരീക്ഷത്തിൽ വർദ്ധിച്ചുവരുന്ന തീവ്രവാദവും കൂടിയാകുമ്പോൾ വ്യക്തമായ വിജയി ഉണ്ടാകില്ലെന്ന് വിശകലന വിദഗ്ധർ പ്രവചിച്ചിരുന്നു.

ജയം കൂടുതലും ഇമ്രാൻ ഖാൻ്റെ പിന്തുണയുള്ള സ്വതന്ത്രർക്കാണ്, 245 ൽ 98 എണ്ണം. നവാസ് ഷെരീഫിൻ്റെ പാകിസ്ഥാൻ മുസ്ലീം ലീഗ്-നവാസ് (പിഎംഎൽ-എൻ) 69 സീറ്റുകൾ നേടിയപ്പോൾ, കൊല്ലപ്പെട്ട പ്രധാനമന്ത്രി ബേനസീർ ഭൂട്ടോയുടെ മകൻ ബിലാവൽ ഭൂട്ടോ സർദാരിയുടെ പാകിസ്ഥാൻ പീപ്പിൾസ് പാർട്ടി 51 സീറ്റുകൾ നേടി.

"തെരഞ്ഞെടുപ്പിന് ശേഷം ഇന്ന് രാജ്യത്തെ ഏറ്റവും വലിയ ഒറ്റകക്ഷിയാണ് പാകിസ്ഥാൻ മുസ്ലീം ലീഗ്, ഈ രാജ്യത്തെ കരകയറ്റേണ്ടത് ഞങ്ങളുടെ കടമയാണ്," കിഴക്കൻ നഗരമായ ലാഹോറിലെ തൻ്റെ വീടിന് പുറത്ത് തടിച്ചുകൂടിയ അനുയായികളോട് നവാസ് ഷെരീഫ് പറഞ്ഞു.

സ്വതന്ത്രരായാലും പാർട്ടികളായാലും ജനവിധിയെ ഞങ്ങൾ മാനിക്കുന്നുവെന്നും അദ്ദേഹം പറഞ്ഞു. "ഞങ്ങളോടൊപ്പം ഇരുന്നു മുറിവേറ്റ ഈ രാജ്യത്തെ വീണ്ടും സഹായിക്കാൻ അവരെ ക്ഷണിക്കുന്നു." മുൻ പ്രധാനമന്ത്രി പറഞ്ഞു.