ന്യൂയോര്‍ക്കിനെ കമ്മ്യൂണിസ്റ്റ് ക്യൂബയോ സോഷ്യലിസ്റ്റ് വെനസ്വേലയോ ആക്കും, ജനം ഒടുവില്‍ പലായനം ചെയ്യും: ഡൊണാള്‍ഡ് ട്രംപ്

ഫോക്‌സ് ന്യൂസിനോട് സംസാരിക്കവെ, തെരഞ്ഞെടുപ്പ് വിജയത്തിന് പിന്നാലെ മംദാനി നടത്തിയ പ്രസംഗത്തിനെതിരെയും ട്രംപ് രംഗത്തെത്തി. മംദാനി വളരെ രോഷാകുലനായാണ് സംസാരിച്ചത്. പ്രത്യേകിച്ചും തന്നോട് വളരെ മോശമായാണ് മംദാനി പ്രതികിച്ചത്. വളരെ മോശം തുടക്കമാണ് മംദാനി നടത്തിയിരിക്കുന്നതെന്നും ട്രംപ് പറഞ്ഞു.

'വളരെ രോഷാകുലമായ പ്രസംഗമായിരുന്നു അത്. പ്രത്യേകിച്ചും എനിക്ക് നേരെ. എന്നോട് നല്ല നിലയ്ക്കാണ് മംദാനി നില്‍ക്കേണ്ടത്. കാരണം അദ്ദേഹത്തിന് മുന്നിലേക്ക് വരുന്ന പല കാര്യങ്ങളും അംഗീകരിക്കേണ്ടതും അനുമതി നല്‍കേണ്ടതും ഞാനാണ്. പക്ഷെ വളരെ മോശം തുടക്കമാണ് അദ്ദേഹം നടത്തിയിരിക്കുന്നത്,' ട്രംപ് പറഞ്ഞു.

മേയര്‍ സ്ഥാനാര്‍ഥിയായി പ്രഖ്യാപിച്ചതു മുതല്‍ മംദാനിക്കെതിരെ കടുത്ത രീതിയിലാണ് ട്രംപിന്റെ പ്രതികരണങ്ങള്‍. അധിക്ഷേപം ചൊരിഞ്ഞും ആക്രമിച്ചുമാണ് ട്രംപ് മംദാനിയെക്കുറിച്ചുള്ള പ്രതികരണങ്ങള്‍ നടത്തിയത്. എന്നാല്‍ തെരഞ്ഞെടുപ്പ് വിജയത്തിന് പിന്നാലെ 'ട്രംപ് ഇത് കാണുന്നുണ്ടെന്ന് തനിക്ക് അറിയാമെന്നും, നാലേ നാല് വാക്കുകളേ തനിക്ക് പറയാനുള്ളു; ആ ശബ്ദം കൂട്ടി വയ്ക്കൂ...'' എന്നുമായിരുന്നു ട്രംപ് പറഞ്ഞത്.