കഞ്ചാവ് നിയമവിധേയമാക്കാന്‍ ട്രംപ്; അപകടം കുറഞ്ഞ മയക്കുമരുന്നിന്റെ വിഭാഗത്തില്‍ പെടുത്തും

കഞ്ചാവ് നിയമവിധേയക്കാന്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഒരുങ്ങുന്നു. അപകടം കുറഞ്ഞ മയക്കുമരുന്ന് വിഭാഗത്തിലേക്ക് കഞ്ചാവിനെ പുനര്‍വര്‍ഗീകരിക്കാനാണ് നീക്കം. അടുത്ത ഏതാനും ആഴ്ചകളില്‍ ഇക്കാര്യത്തില്‍ തീരുമാനമെടുക്കുമെന്ന് വൈറ്റ് ഹൗസില്‍ മാധ്യമപ്രവര്‍ത്തകരോട് ട്രംപ് പറഞ്ഞു.

കഞ്ചാവിന് വലിയ ഔഷധഗുണമുണ്ടെന്നത് താന്‍ കേട്ടിട്ടുണ്ടെന്ന് അദ്ദേഹം പറഞ്ഞു. മറ്റുള്ള വസ്തുക്കള്‍ക്ക് ഉള്ളത് പോലെ കഞ്ചാവിന്റെ മോശം വശങ്ങളും താന്‍ കേട്ടിട്ടുണ്ട്. ചിലയാള്‍ക്കാര്‍ കഞ്ചാവ് ഇഷ്ടപ്പെടുന്നു. ചിലര്‍ വെറുക്കുന്നുവെന്നും അദ്ദേഹം പറഞ്ഞു.