ഇസ്രായേൽ ഭരണകൂടം ഗുരുതരമായ തെറ്റ് ചെയ്തു. അതിന്റെ അനന്തരഫലങ്ങൾ ആ ഭരണകൂടത്തെ നശിപ്പിക്കും. രാജ്യത്തെ ഉദ്യോഗസ്ഥരും എല്ലാ ജനങ്ങളും സായുധ സേനയ്‌ക്കൊപ്പമുണ്ട്‌. ഇസ്രായേലിനെ നേരിടാൻ ഇറാന്റെ സായുധ സേന സജ്ജമാണെന്ന് ആയത്തുള്ള അലി ഖമേനി

ടെഹ്‌റാന്‍: ഇറാന്റെ സായുധ സേന ഇസ്രായേലിനെ നേരിടാന്‍ സജ്ജമാണെന്ന് ഇറാന്റെ പരമോന്നത നേതാവ് ആയത്തുള്ള അലി ഖമേനി ശനിയാഴ്ച പറഞ്ഞു.

ഇസ്രായേല്‍ ഭരണകൂടം ഗുരുതരമായ തെറ്റ്, അശ്രദ്ധമായ പ്രവൃത്തി എന്നിവ ചെയ്തുവെന്ന് അദ്ദേഹം ട്വിറ്ററില്‍ കുറിച്ചു. ദൈവകൃപയാല്‍, അതിന്റെ അനന്തരഫലങ്ങള്‍ ആ ഭരണകൂടത്തെ നശിപ്പിക്കും.

നമ്മുടെ സായുധ സേന സജ്ജമാണെന്നും രാജ്യത്തെ ഉദ്യോഗസ്ഥരും എല്ലാ ജനങ്ങളും സായുധ സേനയ്ക്കൊപ്പമുണ്ടെന്നും അദ്ദേഹം പറഞ്ഞു.

ഇറാനിയന്‍ രാഷ്ട്രം തങ്ങളുടെ വിലയേറിയ രക്തസാക്ഷികളുടെ രക്തത്തിന് തീര്‍ച്ചയായും പ്രതികാരം ചെയ്യും, വ്യോമാതിര്‍ത്തി ലംഘിച്ചതിനെ അവഗണിക്കുകയുമില്ലെന്ന് അദ്ദേഹം വ്യക്തമാക്കി.