ടെഹ്‌റാന്‍: ജൂണ്‍ 13-ന് ഇറാനെതിരായ ഇസ്രായേല്‍ ആക്രമണത്തിന് ശേഷം മിഡില്‍ ഈസ്റ്റില്‍ യുദ്ധസമാനമായ അന്തരീക്ഷമാണ് നിലനില്‍ക്കുന്നത്.
ഈ ആക്രമണത്തില്‍ നിരവധി പേര്‍ക്ക് ജീവന്‍ നഷ്ടപ്പെട്ടതും ആയിരക്കണക്കിന് പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്.
ഇറാനും ഇസ്രായേലും തമ്മിലുള്ള ഈ സംഘര്‍ഷത്തില്‍ അമേരിക്കയും സജീവമായി ഇടപെട്ടു. യുഎസ് നടത്തിയ ആക്രമണത്തിന് പിന്നാലെ, ഇസ്രായേല്‍ തലസ്ഥാനമായ ടെല്‍ അവീവ് ഉള്‍പ്പെടെ നിരവധി നഗരങ്ങളില്‍ ഇറാന്‍ ശക്തമായ ബോംബാക്രമണം നടത്തി.
ഇസ്രായേല്‍ നടത്തിയ ആക്രമണത്തില്‍ ഇതുവരെ 865 ഇറാനിയന്‍ പൗരന്മാര്‍ കൊല്ലപ്പെടുകയും 3,396-ലധികം പേര്‍ക്ക് പരിക്കേല്‍ക്കുകയും ചെയ്തതായി വാര്‍ത്താ ഏജന്‍സി പിടിഐ റിപ്പോര്‍ട്ട് ചെയ്യുന്നു.
അതേസമയം, ടെല്‍ അവീവ് ഉള്‍പ്പെടെ ഇസ്രായേലിലെ പത്തിലധികം സ്ഥലങ്ങള്‍ ഇപ്പോള്‍ ഇറാന്‍ ലക്ഷ്യമിട്ടിരിക്കുകയാണ്.
യുഎസ് ആക്രമണത്തിന് പിന്നാലെ ഇറാന്‍ ഇസ്രായേലിന് നേരെ മിസൈല്‍ ആക്രമണം നടത്തി. ഇന്ന് രാവിലെ, ടെല്‍ അവീവിന് ചുറ്റുമുള്ള 10 സ്ഥലങ്ങള്‍ ഇറാന്‍ ലക്ഷ്യമാക്കി ആക്രമണം നടത്തി.
ഇറാന്റെ ബാലിസ്റ്റിക് മിസൈലുകളിലൊന്ന് ഇസ്രായേലിലെ ഹൈഫ നഗരത്തില്‍ വീണുവെങ്കിലും എയര്‍ സൈറണ്‍ പോലും മുഴങ്ങിയില്ല. ടൈംസ് ഓഫ് ഇസ്രായേല്‍ റിപ്പോര്‍ട്ട് പ്രകാരം, ഈ ആക്രമണത്തില്‍ ആകെ 11 പേര്‍ക്ക് പരിക്കേറ്റതായി പറയുന്നു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/06/22/untitledtrrummppiran-2025-06-22-12-41-42.jpg)