ഗാസയിൽ മരണസംഖ്യ 65,000 കടന്നു; നഗരത്തിൽ നിന്ന് പലായനം ചെയ്യാൻ 48 മണിക്കൂർ സമയം നൽകി ഇസ്രയേൽ

ജെറുസലെം: ഇസ്രയേൽ ഗാസ ആക്രമണം വ്യോമാക്രമണത്തിൽ പ്രധാന ഹമാസ് ഭീകരൻ കൊല്ലപ്പെട്ടതായി അറിയിച്ച്  ഇസ്രയേൽ. ഗാസ മുനമ്പിലുടനീളം നടന്ന ഇസ്രയേൽ ആക്രമണങ്ങളിലും വെടിവെപ്പിലും 63 പേരെങ്കിലും കൊല്ലപ്പെട്ടു, മരിച്ചവരിൽ കൂടുതലും ഗാസ നഗരത്തിലാണ്. ഇസ്രയേലും ഹമാസും തമ്മിലുള്ള രണ്ട് വർഷം നീണ്ട യുദ്ധത്തിൽ പലസ്തീൻകാരുടെ മരണസംഖ്യ 65,000 കടന്നു. തകർന്ന കെട്ടിടങ്ങളുടെ അവശിഷ്ടങ്ങൾക്കടിയിൽ നിരവധി മൃതദേഹങ്ങൾ കുടുങ്ങിക്കിടക്കുന്നുണ്ടെന്നും അതിനാൽ യഥാർത്ഥ കണക്ക് ഇതിലും കൂടുതലായിരിക്കാനാണ് സാധ്യതയെന്നും പലസ്തീൻ ഉദ്യോഗസ്ഥരും രക്ഷാപ്രവർത്തകരും പറയുന്നു.

ഗാസ നഗരം വിടാനുള്ള ഉത്തരവ് അനുസരിച്ച 13 പേരും മരിച്ചവരിൽ ഉൾപ്പെടുന്നു, ഇവരിൽ പ്രാദേശിക ടിവി ജേണലിസ്റ്റായ മുഹമ്മദ് അല അൽ-സവാൽഹിയും ഉൾപ്പെടുന്നു. റാഫയിലെ ഒരു ദുരിതാശ്വാസ സൈറ്റിന് സമീപം ഇസ്രായേലി വെടിവെപ്പിൽ അഞ്ച് പേർ കൊല്ലപ്പെടുകയും ഡസൻ കണക്കിന് ആളുകൾക്ക് പരിക്കേൽക്കുകയും ചെയ്തതായി പ്രാദേശിക ആരോഗ്യ ഉദ്യോഗസ്ഥർ പറഞ്ഞു. സൈന്യം "ഉടനടിയുള്ള ഭീഷണി" ഒഴിവാക്കാൻ മുന്നറിയിപ്പ് വെടിവെപ്പ് നടത്തിയെന്ന് ഇസ്രയേൽ സൈന്യം പറഞ്ഞു.

ഓഗസ്റ്റ് 10-ന് ഗാസ നഗരത്തിന്റെ നിയന്ത്രണം ഏറ്റെടുക്കാൻ പദ്ധതിയിട്ടിരുന്നത് പ്രകാരം നഗരത്തിലുണ്ടായിരുന്നവരിൽ 40% ആളുകൾ, അതായത് ഏകദേശം 400,000 പേർ ഇതിനകം പലായനം ചെയ്തതായി ഇസ്രയേൽ കണക്കാക്കുന്നു. അതേസമയം, 190,000 പേർ തെക്കോട്ടും 350,000 പേർ നഗരത്തിന്റെ മധ്യ, പടിഞ്ഞാറൻ ഭാഗങ്ങളിലേക്കും പോയതായി ഗാസ മീഡിയ ഓഫീസ് പറയുന്നു.