' കഥയില്‍ സത്യമില്ല. ഈ അവകാശവാദം വളരെ പരിഹാസ്യവും അസംബന്ധവും': മെക്സിക്കോയിലെ ഇസ്രായേൽ അംബാസഡറെ കൊല്ലാൻ ഗൂഢാലോചന നടത്തിയെന്ന യുഎസ് അവകാശവാദം ഇറാൻ തള്ളി

ടെഹ്‌റാന്‍:  മെക്‌സിക്കോയിലെ ഇസ്രായേല്‍ അംബാസഡറെ കൊല്ലാന്‍ ഗൂഢാലോചന നടത്തിയെന്ന യുഎസ് ആരോപണം തള്ളിക്കളഞ്ഞ് ഇറാന്‍.

കഥയില്‍ സത്യമില്ലെന്നും 'ഈ അവകാശവാദം വളരെ പരിഹാസ്യവും അസംബന്ധവുമാണെന്ന് വിദേശകാര്യ മന്ത്രാലയ വക്താവ് എസ്മയില്‍ ബഖായി ഒരു പത്രസമ്മേളനത്തില്‍ പറഞ്ഞു. 'മറ്റ് രാജ്യങ്ങളുമായുള്ള ഇറാന്റെ സൗഹൃദബന്ധം തകര്‍ക്കാന്‍' വാഷിംഗ്ടണ്‍ ശ്രമിക്കുന്നുവെന്ന് അദ്ദേഹം ആരോപിച്ചു.

ഇറാന്റെ ഇസ്ലാമിക് റെവല്യൂഷണറി ഗാര്‍ഡ് കോര്‍പ്‌സ് (ഐആര്‍ജിസി), പ്രത്യേകിച്ച് അവരുടെ ഖുദ്‌സ് ഫോഴ്‌സ്, 2024 അവസാനത്തോടെ ആക്രമണം ആസൂത്രണം ചെയ്തതായി വെള്ളിയാഴ്ച അമേരിക്ക അവകാശപ്പെട്ടിരുന്നു. 

ഈ വര്‍ഷം ആദ്യം പദ്ധതി നിര്‍ത്തിവച്ചതായി ഒരു യുഎസ് ഉദ്യോഗസ്ഥന്‍ പറഞ്ഞു. യുഎസ് പ്രഖ്യാപനത്തെത്തുടര്‍ന്ന്, 'ഇറാന്‍ നയിക്കുന്ന ഒരു തീവ്രവാദ ശൃംഖലയെ പരാജയപ്പെടുത്തിയതിന്' ഇസ്രായേല്‍ മെക്‌സിക്കോയോട് നന്ദി പറഞ്ഞു.

കൊലപാതക ശ്രമത്തെക്കുറിച്ച് 'ഒരു വിവരവും ലഭിച്ചിട്ടില്ല' എന്ന് മെക്‌സിക്കോ വിദേശകാര്യ മന്ത്രാലയം പിന്നീട് പറഞ്ഞു.

അതേസമയം, മെക്‌സിക്കോയിലെ ഇറാന്‍ എംബസി ഈ ആരോപണത്തെ 'വലിയ നുണ' എന്നാണ് വിശേഷിപ്പിച്ചത്. മുഴുവന്‍ കാര്യങ്ങളും കെട്ടിച്ചമച്ചതാണ്, ''ബകായ് കൂട്ടിച്ചേര്‍ത്തു.