ടെല് അവീവ്: ഇസ്രയേലില് ബഞ്ചമിന് നെതന്യാഹുവിന്റെ നേതൃത്വത്തിലുള്ള യുദ്ധകാല മന്ത്രിസഭയില് നിന്ന് ബെന്നി ഗാന്റ്സ് രാജിവെച്ചു. യഥാര്ഥ വിജയത്തിലേക്ക് മുന്നേറുന്നതില് നിന്ന് നെതന്യാഹു ഇസ്രായേലിനെ തടയുകയാണെന്ന് ഗാന്റ്സ് ആരോപിച്ചു.
ഗാസയില് ഇസ്രായേല് അധിനിവേശം എട്ടാം മാസത്തിലേക്ക് കടന്നിരിക്കെയാണ് ഗാന്റ്സിന്റെ രാജി. ജനങ്ങളുടെ വിശ്വാസം നേടിയെടുക്കാനും വെല്ലുവിളികളെ നേരിടാനും കഴിയുന്ന ഒരു സര്ക്കാര് സ്ഥാപിക്കാന് തെരഞ്ഞെടുപ്പ് നടത്തണമെന്നും ഗാന്റ്സ് ആവശ്യപ്പെട്ടു.
പ്രതിഷേധം പ്രധാനമാണെന്നും എന്നാല് അവ നിയമപരമായ രീതിയില് വേണമെന്നും ഗാന്റ്സ് പറഞ്ഞു. മുന് പ്രതിരോധ മന്ത്രിയും മുന് ആര്മി ജനറലുമായ ബെന്നി ഗാന്റസ് ഇസ്രായേല് റെസിലിയന്സ് പാര്ട്ടിയുടെ നേതാവാണ്.
2019ലും 2020ലും നടന്ന തെരഞ്ഞെടുപ്പില് ഒരു രാഷ്ട്രീയ പാര്ട്ടിക്കും ഭൂരിപക്ഷം ലഭിക്കാത്ത സാഹചര്യത്തില് രാഷ്ട്രീയ എതിരാളിയായ ബെന്നി ഗാന്റ്സുമായി ചേര്ന്ന് നെതന്യാഹു സഖ്യസര്ക്കാറിന് രൂപം നല്കിയിരുന്നു. തുടര്ന്ന് ബജറ്റ് പാസാക്കുന്നത് സംബന്ധിച്ച അഭിപ്രായ ഭിന്നതയില് സര്ക്കാര് നിലംപതിച്ചു.