ഇസ്രായേലുമായുള്ള യുദ്ധത്തിനിടെ ഐആർജിസി തലവനെ നിയമിച്ച് ഇറാൻ, ഐഡിഎഫ് ആക്രമണത്തിൽ ഒരു മുൻ ജനറൽ കൊല്ലപ്പെട്ടു

ടെഹ്‌റാന്‍: ഇസ്രായേലും ഇറാനും തമ്മിലുള്ള സംഘര്‍ഷങ്ങള്‍ നിരന്തരം വര്‍ദ്ധിച്ചുകൊണ്ടിരിക്കുകയാണ്. അതേസമയം, ഇറാന്‍ തങ്ങളുടെ ഇസ്ലാമിക് റെവല്യൂഷണറി ഗാര്‍ഡുകളുടെ (ഐആര്‍ജിസി) പുതിയ ഇന്റലിജന്‍സ് മേധാവിയെ നിയമിച്ചു. ബ്രിഗേഡിയര്‍ ജനറല്‍ മജീദ് ഖദാമിയെ ഐആര്‍ജിസിയുടെ തലവനായി ഇറാന്‍ നിയമിച്ചു.

ഇറാന്റെ പഴയ ഐആര്‍ജിസി ഉദ്യോഗസ്ഥന്‍ മുഹമ്മദ് കസ്മി ഇസ്രായേലിന്റെ വ്യോമാക്രമണത്തില്‍ കൊല്ലപ്പെട്ടിരുന്നു. ഇസ്രായേല്‍ വ്യോമാക്രമണത്തില്‍ കസ്മിയോടൊപ്പം, മറ്റ് രണ്ട് ഉന്നത ഉദ്യോഗസ്ഥരായ ഹസ്സന്‍ മൊഹാഖക്, മൊഹ്സിന്‍ ബാഗേരി എന്നിവരും കൊല്ലപ്പെട്ടു. 

കഴിഞ്ഞയാഴ്ച ഇസ്രായേല്‍ ഇറാന്റെ ആണവ കേന്ദ്രങ്ങള്‍ ആക്രമിക്കുകയും ഇറാന്‍ ആണവായുധങ്ങള്‍ നിര്‍മ്മിക്കാന്‍ അടുത്തെത്തിയെന്ന് പറയുകയും ചെയ്തിരുന്നു.

എന്നാല്‍ ഇറാന്‍ ഇത് നിഷേധിച്ചുവരികയാണ്. ഇതിനുശേഷം, ഇസ്രായേലിന്റെ ആക്രമണങ്ങള്‍ ശക്തമാവുകയും ഇറാനിലെ നിരവധി ഉന്നത ഉദ്യോഗസ്ഥര്‍ കൊല്ലപ്പെടുകയും ചെയ്തു.

ഇസ്രായേലിന്റെ ആക്രമണത്തിന് ശേഷം, ഇറാന്‍ ഇസ്രായേലിന്റെ ആശുപത്രിക്ക് നേരെ മിസൈല്‍ ആക്രമണം നടത്തി. ഇസ്രായേല്‍ ആക്രമണങ്ങള്‍ അവസാനിപ്പിച്ചില്ലെങ്കില്‍ ഇറാന്‍ നരകത്തിന്റെ വാതിലുകള്‍ തുറക്കുമെന്ന് ഐആര്‍ജിസി മേധാവി പക്പൂര്‍ മുന്നറിയിപ്പ് നല്‍കി.