ജപ്പാനിലെ ഫാക്ടറിയിൽ കത്തിക്കുത്തിലും ലിക്വിഡ് സ്പ്രേ ആക്രമണത്തിലും 15 പേർക്ക് പരിക്കേറ്റു, പ്രതിയെ അറസ്റ്റ് ചെയ്തു

ടോക്കിയോ: വെള്ളിയാഴ്ച മധ്യ ജപ്പാനിലെ ഒരു ഫാക്ടറിയില്‍ നടന്ന കത്തിക്കുത്തില്‍ 15 പേര്‍ക്കെങ്കിലും പരിക്കേറ്റതായും, അജ്ഞാതമായ ഒരു ദ്രാവകം തളിച്ചതായും അടിയന്തര സേവന ഉദ്യോഗസ്ഥന്‍ പറഞ്ഞു. 

അടുത്തുള്ള ഒരു റബ്ബര്‍ ഫാക്ടറിയില്‍ നിന്ന് വൈകുന്നേരം 4.30 ന് ഒരു കോള്‍ ലഭിച്ചതായും 'അഞ്ചോ ആറോ ആളുകളെ ആരോ കുത്തി' എന്നും 'സ്‌പ്രേ പോലുള്ള ദ്രാവകം' ഉപയോഗിച്ചിട്ടുണ്ടെന്നും ഉദ്യോഗസ്ഥര്‍ പറഞ്ഞു. 

ഫാക്ടറിയില്‍ കൊലപാതകശ്രമം ആരോപിച്ച് 38 വയസ്സുള്ള അക്രമിയെ അറസ്റ്റ് ചെയ്തതായി ഷിസുവോക്ക പ്രിഫെക്ചറല്‍ പോലീസ് പറഞ്ഞു, എന്നാല്‍ കൂടുതല്‍ വിവരങ്ങള്‍ നല്‍കിയില്ല. ആക്രമണത്തിനിടെ ബ്ലീച്ച് എറിഞ്ഞ് ഏഴ് പേര്‍ക്ക് പരിക്കേറ്റതായി അഗ്‌നിശമന വകുപ്പ് അറിയിച്ചു.