ഇന്ത്യ പാക് പോരാട്ടം ശക്തമായി തുടരുന്നതിനിടെ പാകിസ്താനിൽ ആഭ്യന്തരയുദ്ധം കടുപ്പിച്ച് ബലൂച് ലിബറേഷന്‍ ആര്‍മി. ബലൂചിസ്താനിന്റെ തലസ്ഥാനമായ ക്വറ്റ ബിഎൽഎ പിടിച്ചെടുത്തു. പാകിസ്താൻ വീണ്ടും പിളരുമോ ?

കറാച്ചി: പാകിസ്താനിലെ ബലൂചിസ്താനിന്റെ തലസ്ഥാനമായ ക്വറ്റ ബലൂച് ലിബറേഷന്‍ ആര്‍മി പിടിച്ചെടുത്തതായി റിപ്പോർട്ട് പുറത്ത്. കഴിഞ്ഞ ഏതാനും ദിവസങ്ങളായി ബിഎല്‍എ പാകിസ്താന്‍ സൈന്യത്തിന് നേരെ വന്‍തോതിലുള്ള ആക്രമണങ്ങളാണ് നടത്തിവരുന്നത്. 

ഇന്ത്യയുടെ ഭാഗത്തുനിന്നുള്ള സമ്മര്‍ദ്ദം കൂടി ആയതോടെ പാക് സേന വലിയ സമ്മര്‍ദ്ദത്തിലാണ്. ഈ അവസരം  ബിഎല്‍എ മുതലെടുക്കുകയായിരുന്നു എന്നുവേണം കരുതാൻ.

ബിഎല്‍എയുടെ ഭാഗത്തുനിന്നും ഉണ്ടായിട്ടുള്ള പ്രഹരം പാകിസ്താന് ദീര്‍ഘമായ പ്രത്യാഘാതം ഉണ്ടാക്കുന്നതാണ്. വ്യാഴാഴ്ച പകലും ബിഎല്‍എ പാകിസ്താന്‍ സൈന്യത്തിനെതിരെ ആക്രമണം നടത്തിയിരുന്നു. 

ഇതിനുപിന്നാലെയാണ് അതിര്‍ത്തിയില്‍ ഇന്ത്യ-പാക് സംഘര്‍ഷം കനക്കുന്നതിനിടെ ബിഎല്‍എ വന്‍മുന്നേറ്റം നടത്തിയിരിക്കുന്നത്. ബിഎല്‍എ വിമോചന സമരം ശക്തമാക്കിയതായാണ് വിവരം.

കഴിഞ്ഞ ദിവസം തടവുകാരുമായി പോയ പാക് സൈന്യത്തിന്റെ വാഹനം ബിഎല്‍എ തടഞ്ഞിരുന്നു. തടവുകാരെ മോചിപ്പിച്ച ശേഷം ഏഴുസൈനികരെയാണ് അവര്‍ വധിച്ചത്.

അതിനുമുമ്പ് സൈനിക വാഹനത്തിന് നേരെ നടത്തിയ സ്‌ഫോടനത്തില്‍ 20 സൈനികരെ വധിച്ചിരുന്നു. 

ഇതിനുപിന്നാലെയാണ് വ്യാഴാഴ്ച അര്‍ധരാത്രിയോടെ ബിഎല്‍എ ക്വറ്റയില്‍ ആധിപത്യം സ്ഥാപിച്ചതായുള്ള വാര്‍ത്തയാണ് പുറത്തുവരുന്നത്.