ബംഗ്ലാദേശ് മുൻ പ്രധാനമന്ത്രി ഖാലിദ സിയ ഗുരുതരാവസ്ഥയിൽ; പ്രത്യേക പ്രാര്‍ത്ഥനകള്‍ സംഘടിപ്പിച്ച് പാര്‍ട്ടി

ധാക്ക: ബംഗ്ലാദേശ് നാഷണലിസ്റ്റ് പാര്‍ട്ടി (ബിഎന്‍പി) മേധാവിയും മുന്‍ പ്രധാനമന്ത്രിയുമായ ഖാലിദ സിയ ആശുപത്രിയില്‍. അവരുടെ നില അതീവ ഗുരുതരമാണെന്നും അടുത്ത സഹായിയെ ഉദ്ധരിച്ച് പിടിഐ റിപ്പോര്‍ട്ട് ചെയ്തു. 80 വയസ്സുള്ള മുന്‍ പ്രധാനമന്ത്രിയെ നെഞ്ചുവേദനയെ തുടര്‍ന്ന് ആശുപത്രിയില്‍ പ്രവേശിപ്പിച്ചു.

റിപ്പോര്‍ട്ട് പ്രകാരം അവരുടെ ഹൃദയവും ശ്വാസകോശവും ശരിയായി പ്രവര്‍ത്തിക്കുന്നില്ല. ഇന്നലെ രാത്രി ഡോക്ടര്‍മാര്‍ അവരുടെ ശാരീരികാവസ്ഥ വളരെ ഗുരുതരമാണെന്ന് പറഞ്ഞു,' ബിഎന്‍പി സെക്രട്ടറി ജനറല്‍ മിര്‍സ ഫഖ്രുല്‍ ഇസ്ലാം ആലംഗീറിനെ ഉദ്ധരിച്ച് സര്‍ക്കാര്‍ നടത്തുന്ന ബിഎസ്എസ് വാര്‍ത്താ ഏജന്‍സി പിടിഐ റിപ്പോര്‍ട്ട് ചെയ്തു.

സിയ വേഗത്തില്‍ സുഖം പ്രാപിക്കുന്നതിനായി വെള്ളിയാഴ്ച പാര്‍ട്ടി പ്രത്യേക പ്രാര്‍ത്ഥനകള്‍ സംഘടിപ്പിച്ചു.

'ജനാധിപത്യത്തിന്റെ മാതാവ്' ബീഗം ഖാലിദ സിയയുടെ വീണ്ടെടുപ്പിനായി ജുമുഅ നമസ്‌കാരത്തിന് ശേഷം രാജ്യമെമ്പാടുമുള്ള ജനങ്ങളില്‍ നിന്ന് ഞങ്ങള്‍ പ്രാര്‍ത്ഥനകള്‍ തേടിയിട്ടുണ്ട്.

അവര്‍ സുഖം പ്രാപിച്ച് രാജ്യത്തിനായി പ്രവര്‍ത്തിക്കാനുള്ള അവസരം ലഭിക്കുന്നതിനായി ജനങ്ങളിലേക്ക് മടങ്ങിവരട്ടെ എന്ന് ഞങ്ങള്‍ പ്രാര്‍ത്ഥിക്കുന്നു,' ഫഖ്രുല്‍ കൂട്ടിച്ചേര്‍ത്തു.