വടശ്ശേരിക്കര സ്വദേശിയായ മലയാളി യുവാവിന് കുവൈറ്റില്‍ ജോലിസ്ഥലത്തുണ്ടായ അപകടത്തില്‍ ദാരുണാന്ത്യം

കുവൈറ്റ്: കേരള ആർട്ട് ലവേഴ്സ് അസോസിയേഷൻ കല കുവൈറ്റ് ജലീബ് എ യൂണിറ്റ് അംഗം അലങ്കാരത്ത് ഷാജുദ്ധീൻ എ.കെ (47) ജോലി സ്ഥലത്തുണ്ടായ അപകടത്തിൽ മരിച്ചു. പത്തനംതിട്ട വടശ്ശേരിക്കര, പേഴുംപാറ സ്വദേശിയാണ്. അൽഗാനിം കമ്പനിയിൽ ജോലിചെയ്തുവരുകയായിരുന്നു ഷാജുദ്ധീൻ. ഭാര്യ: സബീന, മക്കൾ ആലിയ ഫാത്തിമ, സ്വാലിഹ ഫാത്തിമ, മാതാവ് ആയിഷ, പിതാവ് ഖസീം. 

കല കുവൈറ്റിന്റെ നേതൃത്വത്തിൽ മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ നടന്നുവരുന്നു. ഷാജുദ്ധീന്‍റെ നിര്യാണത്തില്‍ കല കുവൈറ്റ് അനുശോചനം അറിയിച്ചു.