കഴിഞ്ഞ ദിവസം പ്രാബല്യത്തിൽ വന്ന വെടിനിർത്തൽ കരാർ ലംഘിച്ച് ലബനാനിൽ വീണ്ടും ഇസ്രായേൽ വ്യോമാക്രമണം. യുദ്ധവിമാനം ഉപയോഗിച്ച് ബോംബ് വർഷിച്ചത് ഹിസ്ബുല്ലയുടെ റോക്കറ്റ് കേന്ദ്രം എന്നാരോപിച്ച്. ഇസ്രായേൽ വെടിയുതിർത്തത് സാധാരണക്കാർക്ക് നേരെയെന്ന് ഹിസ്ബുള്ള. ലബനാനിൽ ജനങ്ങളുടെ സഞ്ചാര സ്വാതന്ത്ര്യത്തിനും ഇസ്രായേലിന്റെ വിലക്ക് !

ബൈറൂത്ത്: കഴിഞ്ഞ ദിവസം പ്രാബല്യത്തിൽ വന്ന വെടിനിർത്തൽ കരാർ ലംഘിച്ച് ലബനാനിൽ ഇസ്രായേൽ വ്യോമാക്രമണം. തെക്കൻ ലബനാനിലാണ് ഇസ്രായേൽ ആക്രമണം നടത്തിയത്.

ഹിസ്ബുല്ലയുടെ റോക്കറ്റ് കേന്ദ്രം എന്നാരോപിച്ചാണ് യുദ്ധവിമാനം ഉപയോഗിച്ച് ബോംബ് വർഷിച്ചത്. കൂടാതെ ജനങ്ങളുടെ സഞ്ചാര സ്വാതന്ത്ര്യത്തിന് ഇസ്രായേൽ സൈന്യം വീണ്ടും നിയന്ത്രണം ഏർപ്പെടുത്തി.

വൈകുന്നേരം 5 മണി മുതൽ രാവിലെ 7 മണി വരെ ലിറ്റാനി നദിയുടെ തെക്ക് ഭാഗത്തേക്ക് സഞ്ചരിക്കുന്നത് കർശനമായി നിരോധിച്ചാണ് ഇസ്രായേൽ സൈനിക മേധാവിയുടെ അറബിക് വക്താവ് അവിചയ് അദ്രേയി അറിയിപ്പ് നൽകിയത്.

ലബനാന്‍റെ തെക്കൻ അതിർത്തിയിലുള്ള ഗ്രാമങ്ങളിലേക്ക് മടങ്ങുന്ന സാധാരണക്കാർക്ക് നേരെയാണ് ഇസ്രായേൽ വെടിയുതിർത്തതെന്ന് ഹിസ്ബുല്ല എംപി ഹസൻ ഫദ്‌ലല്ല പറഞ്ഞു.

14 മാ​സം നീ​ണ്ട അ​തി​ക്ര​മ​ങ്ങ​ൾ​ക്ക് താ​ൽ​ക്കാ​ലി​ക അ​റു​തിയായിട്ടാണ് പ്രാ​ദേ​ശി​ക സ​മ​യം ബു​ധ​നാ​ഴ്ച പു​ല​ർ​ച്ച നാ​ലോ​ടെ​ ല​ബ​നാ​നി​ൽ ​ഹി​സ്ബു​ല്ല​യു​മാ​യി ഇ​സ്രാ​യേ​ൽ വെ​ടി​നി​ർ​ത്ത​ൽ പ്ര​ഖ്യാ​പി​ച്ചത്.

ഇ​സ്രാ​യേ​ൽ, ഫ്രാ​ൻ​സ്, യുഎ​സ് എ​ന്നി​വ സം​യു​ക്ത​മാ​യാണ് ല​ബ​നാ​ൻ വെ​ടി​നി​ർ​ത്ത​ൽ ക​രാ​ർ പ്ര​ഖ്യാ​പി​ച്ച​ത്. 60 ദി​വ​സ​ത്തേ​ക്കാണ് വെ​ടി​നി​ർ​ത്ത​ൽ കരാർ. ഇ​തോ​ടെ, തെ​ക്ക​ൻ ല​ബ​നാ​നി​ൽ കു​ടുംബ​ങ്ങ​ൾ സ്വ​ന്തം വീ​ടു​ക​ളി​ലേ​ക്ക് മ​ട​ക്കം ആ​രം​ഭി​ച്ചിരുന്നു.