ഫ്രഞ്ച് പ്രസിഡന്റിന്റെ ഭാര്യ ട്രാന്‍സ്ജെന്‍ഡറാണോ? ആരോപണങ്ങള്‍ക്ക് മറുപടിയുമായി ഇമ്മാനുവല്‍ മാക്രോണ്‍

പാരീസ്:  ഫ്രഞ്ച് പ്രസിഡന്റ് ഇമ്മാനുവല്‍ മാക്രോണിന്റെ ഭാര്യ ബ്രിജിറ്റിനെ ചുറ്റിപ്പറ്റിയുള്ള വിവാദം കൂടുതല്‍ ശക്തമാകുന്നു. അമേരിക്കന്‍ തീവ്ര വലതുപക്ഷ നേതാവും രാഷ്ട്രീയ നിരൂപകയുമായ കാന്‍ഡേസ് ഓവന്‍സ് മാക്രോണിന്റെ ഭാര്യ ഒരു സ്ത്രീയല്ല, മറിച്ച് ഒരു ട്രാന്‍സ്ജെന്‍ഡര്‍ സ്ത്രീയാണെന്ന് ആരോപിച്ചു.

ഈ ആരോപണങ്ങള്‍ ഫ്രഞ്ച് രാഷ്ട്രീയത്തില്‍ ഒരു കോളിളക്കം സൃഷ്ടിച്ചു. മാക്രോണ്‍ ആരോപണങ്ങള്‍ നിഷേധിക്കുകയും ജൂലൈയില്‍ ഓവന്‍സിനെതിരെ മാനനഷ്ടക്കേസ് ഫയല്‍ ചെയ്യുകയും ചെയ്തു. ഇപ്പോള്‍, ബ്രിജിറ്റിന്റെ വ്യക്തിത്വം തെളിയിക്കുന്ന തെളിവുകള്‍ ഹാജരാക്കാന്‍ മാക്രോണും ഭാര്യയും തീരുമാനിച്ചു.

2021ലാണ് ഈ ആരോപണങ്ങള്‍ ആരംഭിച്ചത്. ഫ്രഞ്ച് പ്രഥമ വനിത ട്രാന്‍സ്ജെന്‍ഡറാണെന്ന ആരോപണം ആദ്യമായി യൂട്യൂബ് വീഡിയോയിലൂടെ ഫ്രഞ്ച് ബ്ലോഗര്‍മാരായ അമാന്‍ഡിന്‍ റോയിയും നതാഷ റേയും ഉന്നയിച്ചു. 2024-ല്‍ മാക്രോണ്‍ അവര്‍ക്കെതിരെ ഒരു മാനനഷ്ടക്കേസ് നല്‍കി. ആവിഷ്‌കാര സ്വാതന്ത്ര്യം ചൂണ്ടിക്കാട്ടി 2025-ല്‍ ഒരു അപ്പീല്‍ ഫയല്‍ ചെയ്യുകയും പിന്നീട് തീരുമാനം റദ്ദാക്കുകയും ചെയ്തു.

ഇന്‍സ്റ്റാഗ്രാമില്‍ 6 ദശലക്ഷത്തിലധികം ഫോളോവേഴ്സുള്ള കാന്‍ഡേസ് ഓവന്‍സ് പിന്നീട് ഈ വിഷയം ഏറ്റെടുത്തു. ഫ്രഞ്ച് പ്രഥമ വനിത പുരുഷനായി ജനിച്ചതാണെന്നും ഈ ആരോപണം തെളിയിക്കാന്‍ അവര്‍ തന്റെ മുഴുവന്‍ പ്രൊഫഷണല്‍ പ്രശസ്തിയും പണയപ്പെടുത്തുമെന്നും ഓവന്‍സ് അവകാശപ്പെട്ടു. ഡെലവെയര്‍ കോടതിയില്‍ ഓവന്‍സിനെതിരെ മാക്രോണ്‍ മാനനഷ്ടക്കേസ് ഫയല്‍ ചെയ്തു.

മാക്രോണിന്റെ ഭാര്യ ബ്രിജിറ്റ് പുരുഷനായി ജനിച്ചുവെന്നും ജീന്‍-മൈക്കല്‍ ട്രോഗ്‌നോ എന്നാണ് പേരിട്ടതെന്നും ഓവന്‍സ് അവകാശപ്പെടുന്നു. കൗമാരപ്രായത്തില്‍ മാക്രോണിന് മാനസിക പിന്തുണ നല്‍കിയിരുന്നത് ജീന്‍-മൈക്കല്‍ ട്രോഗ്‌നോ ആണെന്ന് ഓവന്‍സ് പറയുന്നു. ഈ ആരോപണങ്ങള്‍ തെറ്റാണെന്ന് തെളിയിക്കാന്‍ ഫോട്ടോഗ്രാഫുകളും ശാസ്ത്രീയ തെളിവുകളും അവതരിപ്പിക്കാന്‍ മാക്രോണ്‍ ഇപ്പോള്‍ പദ്ധതിയിടുന്നു.

ബിബിസിയോട് സംസാരിക്കവെ, മാക്രോണിന്റെ അഭിഭാഷകന്‍ ടോം ക്ലെയര്‍ ഇത് ഏത് തരത്തിലുള്ള തെളിവാണെന്ന് വ്യക്തമാക്കിയില്ല. ബ്രിജിറ്റിന്റെ ഗര്‍ഭധാരണത്തിന്റെയും കുട്ടികളുടെ വളര്‍ത്തലിന്റെയും ഫോട്ടോകള്‍ മാക്രോണ്‍ നല്‍കുമോ എന്ന് ചോദിച്ചപ്പോള്‍, ഈ ഫോട്ടോകള്‍ നിലവിലുണ്ടെന്നും കോടതിയില്‍ ഹാജരാക്കുമെന്നും ടോം ക്ലെയര്‍ പറഞ്ഞു.

ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ തന്റെ ഭാര്യ ബ്രിജിഡ് മാക്രോണിനേക്കാള്‍ 24 വയസ്സ് ഇളയതാണ്. ബ്രിജിഡ് മാക്രോണിന് 72 വയസ്സുണ്ട്. മാക്രോണ്‍ അമിയന്‍സിലെ ഒരു ഹൈസ്‌കൂളില്‍ വിദ്യാര്‍ത്ഥിയായിരുന്നപ്പോള്‍ അവിടെ പഠിപ്പിച്ചിരുന്നയാളാണ് ബ്രിജിഡ് മാക്രോണ്‍. മൂന്ന് കുട്ടികളുടെ അമ്മയാണ് ബ്രിജിഡ് മാക്രോണ്‍.