മെക്സിക്കോയിൽ നാടിന്റെ നന്മയ്ക്ക് മുതലയെ വിവാഹം കഴിച്ച മേയര്‍

മെക്സിക്കോ സിറ്റി: മെക്സിക്കോയുടെ നന്മയ്ക്കു വേണ്ടി മുതലയെ വിവാഹം കഴിച്ച് മേയര്‍ ഡാനിയര്‍ ഗുട്ടറസ്. ഓക്സാക്ക സാന്‍ പെഡ്രോ ഹുവാമെലുല പട്ടണത്തിലെ മേയറാണ് ഗുട്ടറസ്. നിരവധി പേരാണ് ആഘോഷമായി നടത്തിയ വിവാഹത്തില്‍ പങ്കെടുക്കുന്നതിനായി എത്തിയത്. മുതലയെ വെളുത്ത ഗൗണ്‍ ധരിപ്പിച്ചാണ് ചടങ്ങിനെത്തിച്ചത്.

മേയര്‍ മുതലയുടെ നെറുകില്‍ ചുംബിച്ച ശേഷം നൃത്തം ചെയ്യുന്ന വിഡിയോ പുറത്തു വന്നിട്ടുണ്ട്. പിന്നീട് നഗരത്തിലെ തെരുവുകളിലൂടെ വിവാഹഘോഷയാത്രയും നടത്തി.

പ്രകൃതിയുമായുള്ള നാടിന്‍റെ ആഴത്തിലുള്ള ബന്ധമാണ് ഇത്തരമൊരു ചടങ്ങിന്‍റെ അടിസ്ഥാനമെന്ന് നാട്ടുകാര്‍ പറയുന്നു. 230 വര്‍ഷം പഴക്കമുള്ള ചടങ്ങാണിത്. വിവാഹസമയത്തെല്ലാം മുതലയുടെ വായ അടച്ചു കെട്ടിയ നിലയിലാണ്.