ആൾക്കൂട്ട കൊലപാതകങ്ങൾ, ബലാത്സംഗങ്ങൾ, അതിക്രമങ്ങൾ: ബംഗ്ലാദേശിലെ ഹിന്ദുക്കളിൽ ഭയം വർദ്ധിക്കുന്നു

ധാക്ക: ബംഗ്ലാദേശിലെ ഹിന്ദു ന്യൂനപക്ഷത്തിനെതിരായ അക്രമങ്ങള്‍ക്ക് പിന്നാലെ രാജ്യം കൂടുതല്‍ വിമര്‍ശനത്തിന് വിധേയമായിക്കൊണ്ടിരിക്കുന്നു.

ബംഗ്ലദേശ് ഒരു പ്രധാന തിരഞ്ഞെടുപ്പിനെ സമീപിക്കുമ്പോള്‍ സുരക്ഷ, ഉത്തരവാദിത്തം, രാഷ്ട്രീയ സ്ഥിരത എന്നിവയെക്കുറിച്ചുള്ള അടിയന്തിര ചോദ്യങ്ങള്‍ ഇത് ഉയര്‍ത്തുന്നു.

കഴിഞ്ഞ 18 ദിവസത്തിനിടെ ആറ് ഹിന്ദുക്കളാണ് കൊല്ലപ്പെട്ടത്. ബലാത്സംഗം, തീവയ്പ്പ്, ആള്‍ക്കൂട്ട ആക്രമണം എന്നിവയും റിപ്പോര്‍ട്ടുകളുണ്ട്. ഈ ആക്രമണങ്ങള്‍ ന്യൂനപക്ഷ സമൂഹത്തില്‍ ഭയവും അയല്‍ രാജ്യമായ ഇന്ത്യയിലും നേപ്പാളിലും ആശങ്കയും സൃഷ്ടിച്ചിട്ടുണ്ട്.

ജനുവരി 5 ന് വ്യത്യസ്ത സംഭവങ്ങളിലായി മണിക്കൂറുകള്‍ക്കുള്ളില്‍ രണ്ട് ഹിന്ദുക്കള്‍ കൊല്ലപ്പെട്ടു. ജെസ്സോറില്‍, ഫാക്ടറി ഉടമയും ആക്ടിംഗ് പത്ര എഡിറ്ററുമായ റാണാ പ്രതാപ് ബൈരാഗിയുടെ തലയില്‍ നിരവധി തവണ വെടിയേറ്റു, കഴുത്ത് അറുത്തു. അക്രമികള്‍ സംഭവസ്ഥലത്ത് നിന്ന് ഓടി രക്ഷപ്പെട്ടതായും കൊലപാതകത്തിന്റെ ഉദ്ദേശ്യം വ്യക്തമല്ലെന്നും പോലീസ് പറഞ്ഞു.