കാനഡയ്‌ക്കെതിരെ ഇറാൻ്റെ പ്രതികാരം; റോയൽ കനേഡിയൻ നേവിയെ ഭീകര സംഘടനയായി പ്രഖ്യാപിച്ചു

ടെഹ്‌റാന്‍:  ഇറാനും കാനഡയും തമ്മിലുള്ള നയതന്ത്ര സംഘര്‍ഷങ്ങള്‍ രൂക്ഷമായി. ചൊവ്വാഴ്ച ഇറാന്‍ വിദേശകാര്യ മന്ത്രാലയം കാനഡയുടെ റോയല്‍ കനേഡിയന്‍ നേവിയെ 'ഭീകര സംഘടന'യായി പ്രഖ്യാപിച്ചു. 

2024 ല്‍ ഇറാന്റെ ഇസ്ലാമിക് റെവല്യൂഷണറി ഗാര്‍ഡ് കോര്‍പ്‌സിനെ ഒരു തീവ്രവാദ സംഘടനയായി കാനഡ പ്രഖ്യാപിച്ചതിന് മറുപടിയായാണ് ഈ തീരുമാനമെന്ന് ടെഹ്റാന്‍ പറഞ്ഞു. ഇരു രാജ്യങ്ങളും തമ്മിലുള്ള ഇതിനകം വഷളായ ബന്ധങ്ങള്‍ ഇത് കൂടുതല്‍ വഷളാക്കും.

ഇസ്ലാമിക് റെവല്യൂഷണറി ഗാര്‍ഡ് കോര്‍പ്‌സിനെ തീവ്രവാദ സംഘടനയായി കാനഡ പ്രഖ്യാപിച്ചത് അന്താരാഷ്ട്ര നിയമത്തിന്റെ അടിസ്ഥാന തത്വങ്ങളുടെ ലംഘനമാണെന്ന് ഇറാന്‍ വിദേശകാര്യ മന്ത്രാലയം ഔദ്യോഗിക പ്രസ്താവനയില്‍ പറഞ്ഞു. 

മന്ത്രാലയത്തിന്റെ അഭിപ്രായത്തില്‍, ഐആര്‍ജിസി ഇറാന്റെ ഔദ്യോഗിക സായുധ സേനയുടെ ഭാഗമാണ്, അതിനെ തീവ്രവാദ സംഘടനയായി മുദ്രകുത്തുന്നത് ഒരു പരമാധികാര രാജ്യത്തിനെതിരായ രാഷ്ട്രീയ പ്രേരിത തീരുമാനമാണ്.