ഗാസയിലെ യുദ്ധം പെട്ടെന്ന് അവസാനിപ്പിക്കില്ല. വംശഹത്യ ഇനിയും തുടരും; ഹമാസിനെ പൂര്‍ണമായി ഉന്മൂലനം ചെയ്യലാണ് ലക്ഷ്യമെന്ന് നെതന്യാഹു

ജറുസലേം: ഗാസയിൽ ഇസ്രയേൽ നടത്തുന്ന ആക്രമണം ഉടൻ അവസാനിക്കില്ലെന്ന് പ്രധാനമന്ത്രി ബെഞ്ചമിൻ നെതന്യാഹു. ഹമാസിനെ പൂർണ്ണമായി ഉന്മൂലനം ചെയ്യുക എന്നതാണ് ലക്ഷ്യമെന്നും, അതുവരെ യുദ്ധം തുടരുമെന്നും അദ്ദേഹം വ്യക്തമാക്കി.

അമേരിക്കൻ വിദേശകാര്യ സെക്രട്ടറിയുമായി നടന്ന നാലുമണിക്കൂർ നീണ്ട കൂടിക്കാഴ്ചയ്ക്കുശേഷമാണ് നെതന്യാഹുവിന്റെ നിലപാട് പുറത്തുവന്നത്.

ഖത്തറിലെ ആക്രമണത്തിന് മുഴുവൻ ഉത്തരവാദിത്വവും ഇസ്രയേൽ ഏറ്റെടുക്കുന്നുവെന്നും, അതിനെതിരെ ഉയരുന്ന വിമർശനങ്ങൾ ഇരട്ടത്താപ്പാണെന്നും അദ്ദേഹം പറഞ്ഞു.