/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/ByyyXRvinCj5Gh3z9ube.jpeg)
ന്യൂറാലിങ്ക് വിട്ട ബെഞ്ചമിന് നിലവില് കമ്പനി വികസിപ്പിച്ച സാങ്കേതിക വിദ്യ സംബന്ധിച്ച ആശങ്ക പ്രകടിപ്പിച്ചെത്തിയിരിക്കുകയാണ്. വര്ഷങ്ങളായി വൈദ്യശാസ്ത്രത്തിലേക്ക് ന്യൂറല് ഇന്റര്ഫെയ്സുകള് സന്നിവേശിപ്പിക്കുന്നതിനായുള്ള ശ്രമങ്ങളിലാണ് ന്യൂറോ സര്ജനായ ബെഞ്ചമിന്. സാങ്കേതികവിദ്യയുമായി വൈദ്യ ശാസ്ത്രത്തെ ബന്ധിപ്പിക്കുമ്പോള് സുരക്ഷയ്ക്ക് മുന്ഗണന നല്കാന് താന് നിര്ബന്ധിതനായിരുന്നു.
സ്വന്തമായി സംരംഭം തുടങ്ങാനായാണ് ബെഞ്ചമിന് ന്യൂറാലിങ്ക് വിട്ടത്. പ്രിസിഷന് ന്യൂറോസയന്സ് എന്നാണ് സ്വന്തം സംരംഭത്തിന് പേര് നല്കിയിരിക്കുന്നത്. ചെറിയ ഇലക്ട്രോഡുകള് ഉപയോഗിച്ചാണ് ന്യൂറാലിങ്ക് പ്രവര്ത്തിക്കുന്നത്. ഇവ തലച്ചോറിനുള്ളിലേക്ക് കടന്ന് ആവശ്യമായ വിവരങ്ങള് ശേഖരിക്കും. എന്നാലിത് തലച്ചോറിന് ആഘാതമേല്പ്പിക്കുമെന്നാണ് ബെഞ്ചമിന് പറയുന്നത്.
കൂടാതെ ന്യൂറാലിങ്കില് നിന്ന് വ്യത്യസ്തമായി ഇലക്ട്രോഡുകളെ തലച്ചോറിനകത്തേക്ക് കടത്താതെ തന്നെ തലച്ചോറിന്റെ ഉപരിതലത്തില് സ്ഥാപിക്കാനുള്ള ശ്രമമാണ്. മാസങ്ങള്ക്ക് മുമ്പാണ് ന്യൂറാലിങ്ക് ടെലിപ്പതി എന്ന ഉപകരണം മനുഷ്യന്റെ തലച്ചോറില് പരീക്ഷിച്ചത്. ഈ രോഗി ഇപ്പോള് സുരക്ഷിതനാണെന്നും ന്യൂറാലിങ്ക് അറിയിച്ചിരുന്നു.
ശരീരം തളര്ന്നതോ, കൈകാലുകള് ഇല്ലാത്തവരോ ആയ രോഗികള്ക്ക് ചിന്തയിലൂടെ കംപ്യൂട്ടര് ഉപകരണങ്ങള് നിയന്ത്രിക്കാന് പ്രാപ്തമാക്കുകയാണ് ബ്രെയിന്-കംപ്യൂട്ടര് ഇന്റര്ഫെയ്സിന്റെ ലക്ഷ്യം. ജൂലൈ 2016ല് കാലിഫോര്ണിയയില് മെഡിക്കല് ഗവേഷണത്തിനായി രജിസ്റ്റര് ചെയ്തതാണ് ന്യൂറോലിങ്ക് കമ്പനി. ഇതിന്റെ ഫണ്ടിങ് മുഴുവന് മസ്കിന്റെതാണ്.