ഞാൻ ഒരു യുദ്ധത്തടവുകാരനാണ്: യുഎസ് മയക്കുമരുന്ന് കുറ്റങ്ങളിൽ വെനിസ്വേലൻ പ്രസിഡൻ്റ് മഡുറോ

ന്യൂയോര്‍ക്ക്: ന്യൂയോര്‍ക്ക് കോടതിമുറിയില്‍ ജഡ്ജിയുടെ മുമ്പാകെ ഹാജരായി സ്വയം 'യുദ്ധത്തടവുകാരന്‍' ആയി പ്രഖ്യാപിച്ച് നിക്കോളാസ് മഡുറോ.

യുഎസ് തന്നെ വിചാരണ ചെയ്യാന്‍ ഉദ്ദേശിക്കുന്ന നിയമ ചട്ടക്കൂടിനെ തന്നെ വെല്ലുവിളിക്കുകയും വാഷിംഗ്ടണിന്റെ തനിക്കെതിരായ കേസിലെ ആഴത്തിലുള്ള വൈരുദ്ധ്യങ്ങള്‍ തുറന്നുകാട്ടുകയും ചെയ്തു.

കാരക്കാസിലെ ഒരു കോമ്പൗണ്ടില്‍ നിന്ന് യുഎസ് ഡെല്‍റ്റ ഫോഴ്സ് മഡുറോയെയും ഭാര്യ സിലിയ ഫ്‌ലോറസിനെയും പിടികൂടി 48 മണിക്കൂറിനുശേഷം, മയക്കുമരുന്ന് ഭീകരത, കൊക്കെയ്ന്‍ കടത്ത്, ഗൂഢാലോചന എന്നീ ഫെഡറല്‍ കുറ്റങ്ങളില്‍ മഡുറോ കുറ്റക്കാരനല്ലെന്ന് വാദിച്ചു.

നിയമപാലകരുടെ അറസ്റ്റല്ല, സൈനിക നടപടിയിലൂടെയാണ് തന്നെ 'തട്ടിക്കൊണ്ടുപോയത്' എന്ന് അദ്ദേഹം വാദിച്ചു.