/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/4q32Pwq1tQ6rINi7QNj6.jpeg)
ജോലി സംബന്ധമായ മീറ്റിങ്ങുകളില് പങ്കെടുക്കുന്നവര്ക്ക് ആശ്വാസമായി ടെക് കമ്പനിയായ ഓട്ടര്. എഐ അധിഷ്ഠിത ടെക് കമ്പനിയാണ് ഓട്ടര്. കമ്പനിയുടെ ശ്രമം വിജയിച്ചാല് എല്ലാ മീറ്റിങ്ങിലും കഷ്ടപ്പെട്ട് പങ്കെടുക്കാന് ആരും ബുദ്ധിമുട്ടേണ്ടി വരില്ല. മീറ്റിങ്ങുകളില് നിങ്ങളുടെ തന്നെ എഐ അവതാറിനെ അവതരിപ്പിച്ചാല് മതിയാകുമെന്നാണ് ഓട്ടര് അഭിപ്രായപ്പെടുന്നത്.
ദിവസേന 10 യോഗങ്ങളില് വരെ പങ്കെടുക്കേണ്ടി വന്ന അവസ്ഥ നേരിട്ടപ്പോഴാണ് മനസില് പുതിയ ആശയം ഉണ്ടായതെന്ന് ഓട്ടര് മേധാവി സാം ലിയാങ്ങ് പറഞ്ഞു. എഐ അവതാറിന് നിങ്ങളെ പോലെ പെരുമാറാനും, സംസാരിക്കാനും പ്രശ്നങ്ങള് പരിഹരിക്കാനും കഴിയും. ഈ വര്ഷം അവസാനത്തോടെ ഇതിന്റെ പ്രോട്ടോ ടൈപ്പ് നിര്മിക്കാനാകുമെന്നാണ് ലിയാങ്ങിന്റെ വിലയിരുത്തല്.
മനുഷ്യനെ പോലെ പെരുമാറാന് എഐ മോഡലുകളെ പ്രാപ്തരാക്കാനായി വിവിധ ഡാറ്റാ സെറ്റുകള് നല്കി പരിശീലിപ്പിക്കും. കൂടാതെ മീറ്റിങ്ങുകളില് പങ്കെടുക്കാനാവുന്ന എഐ അവതാറുകളെ നിര്മ്മിക്കുന്നതിനായി അതാത് വ്യക്തികള് യോഗങ്ങളില് പങ്കെടുത്ത് സംസാരിക്കുന്നതിന്റെ റെക്കോര്ഡുകളും വോയ്സ് ഡാറ്റയും നല്കി വേണം പരിശീലിപ്പിക്കണം.
ഇതുവഴി എഐ അവതാറിന് ആ വ്യക്തിയെ പോലെ സംസാരിക്കാനാവും. ജീവനക്കാരന്റെ ശൈലിയിലാവും ചോദ്യങ്ങള്ക്ക് മറുപടി നല്കുകയെന്നും ലിയാങ് പറഞ്ഞു. നിലവില് നിര്മ്മാണ ഘട്ടത്തിലാണ് ഈ സാങ്കേതികവിദ്യ. പരീക്ഷണാടിസ്ഥാനത്തില് ഇവ ഉപയോഗപ്പെടുത്തി യോഗം നടന്നിരുന്നു. ഇതില് ഉയര്ന്ന 90 ശതമാനം ചോദ്യങ്ങള്ക്കും എഐ അവതാര് ഉത്തരം പറഞ്ഞതായാണ് കമ്പനി പറയുന്നത്.