പാകിസ്ഥാനിലെ ഖൈബർ പഖ്തൂൺഖ്വയിലെ ബന്നുവിൽ തീവ്രവാദി ആക്രമണത്തിൽ ഏഴ് പേർ കൊല്ലപ്പെട്ടു

ഖൈബര്‍ പഖ്തൂണ്‍ഖ്വ: വടക്കുപടിഞ്ഞാറന്‍ പാകിസ്ഥാനിലെ ഖൈബര്‍ പഖ്തൂണ്‍ഖ്വ പ്രവിശ്യയിലുള്ള ഒരു പ്രാദേശിക സമാധാന സമിതിയുടെ ഓഫീസിന് നേരെ വെള്ളിയാഴ്ച അജ്ഞാതരായ ചില തോക്കുധാരികള്‍ നടത്തിയ ആക്രമണത്തില്‍ ഏഴ് പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തതായി ഉദ്യോഗസ്ഥര്‍ പറഞ്ഞു. 

വ്യാഴാഴ്ച രാത്രി വൈകിയാണ് ആക്രമണം നടന്നത്. തോക്കുധാരികള്‍ ഓട്ടോമാറ്റിക് ആയുധങ്ങളും ഭാരമേറിയ വെടിക്കോപ്പുകളും ഉപയോഗിച്ചതായി അവര്‍ പറഞ്ഞു.

ബന്നു ജില്ലയിലെ ദാര ദാരിസ് പ്രദേശത്തെ സമാധാന സമിതിയുടെ ഓഫീസ് ആക്രമിച്ച തോക്കുധാരികള്‍ അതിന്റെ തലവന്‍ ഖാരി ജലീലിനെ ലക്ഷ്യമിട്ടതായി ഉദ്യോഗസ്ഥര്‍ പറഞ്ഞു.

ആക്രമണത്തിന്റെ ഉത്തരവാദിത്തം ഒരു തീവ്രവാദ ഗ്രൂപ്പും ഏറ്റെടുത്തിട്ടില്ല, എന്നാല്‍ പാകിസ്ഥാന്‍ സുരക്ഷാ സേന പ്രദേശം വളഞ്ഞ് അക്രമികളെ കണ്ടെത്താന്‍ തിരച്ചില്‍ ആരംഭിച്ചിട്ടുണ്ട്.