പാകിസ്ഥാന് യുഎസിൻ്റെ എയർ-ടു-എയർ മിസൈലുകൾ; തീരുമാനം ട്രംപ്-അസിം മുനീർ കൂടിക്കാഴ്ചയ്ക്ക് പിന്നാലെ

ഡല്‍ഹി: ഇരു രാജ്യങ്ങളും തമ്മിലുള്ള പ്രതിരോധ സഹകരണത്തില്‍ പുതിയൊരു ഘട്ടം കുറിക്കുന്നതിന് പിന്നാലെ പാകിസ്ഥാന് അമേരിക്കയില്‍ നിന്ന് എഐഎം-120 അഡ്വാന്‍സ്ഡ് മീഡിയം-റേഞ്ച് എയര്‍-ടു-എയര്‍ മിസൈലുകള്‍ ലഭിക്കുമെന്ന് യുഎസ് യുദ്ധ വകുപ്പ് ഔദ്യോഗിക പ്രസ്താവനയില്‍ പറഞ്ഞു.

യുഎസ് യുദ്ധവകുപ്പ് വിജ്ഞാപനം ചെയ്ത പുതുതായി പരിഷ്‌കരിച്ച ആയുധ കരാറില്‍, റേതിയോണ്‍ നിര്‍മ്മിച്ച മിസൈല്‍ വാങ്ങുന്നവരുടെ പട്ടികയില്‍ പാകിസ്ഥാനെയും ഉള്‍പ്പെടുത്തിയിട്ടുണ്ട് .  

അഡ്വാന്‍സ്ഡ് മീഡിയം-റേഞ്ച് എയര്‍-ടു-എയര്‍ മിസൈലിന്റെ C8, D3 വകഭേദങ്ങളുടെ നിര്‍മ്മാണത്തിനായി മുമ്പ് നല്‍കിയ കരാറില്‍ കമ്പനിക്ക് 41.6 മില്യണ്‍ യുഎസ് ഡോളര്‍ അധികമായി ലഭിച്ചു.

പാകിസ്ഥാന് ലഭിക്കേണ്ട മിസൈലുകളുടെ കൃത്യമായ എണ്ണം പ്രസ്താവനയില്‍ വ്യക്തമാക്കിയിട്ടില്ല.