പാകിസ്ഥാനിൽ പാസഞ്ചർ ട്രെയിൻ പാളം തെറ്റിയുണ്ടായ വൻ അപകടം, ഒരാൾ മരിച്ചു, 20 ലധികം പേർക്ക് പരിക്കേറ്റു

ലാഹോര്‍: പാകിസ്ഥാനില്‍ വീണ്ടും ട്രെയിന്‍ അപകടം. ഞായറാഴ്ച, ഒരു പാസഞ്ചര്‍ ട്രെയിനിന്റെ 4 ബോഗികള്‍ പാളം തെറ്റി. ഈ അപകടത്തില്‍ ഒരു യാത്രക്കാരന്‍ മരിക്കുകയും 20 ലധികം പേര്‍ക്ക് പരിക്കേല്‍ക്കുകയും ചെയ്തു. അവരില്‍ 2 പേരുടെ നില വളരെ ഗുരുതരമാണ്.

പാകിസ്ഥാനിലെ പഞ്ചാബ് പ്രവിശ്യയിലാണ് ഈ അപകടം നടന്നത്. ലോധ്രാന്‍ റെയില്‍വേ സ്റ്റേഷന് സമീപം നിറയെ യാത്രക്കാരുമായി സഞ്ചരിച്ചിരുന്ന ഒരു പാസഞ്ചര്‍ ട്രെയിന്‍ പെട്ടെന്ന് പാളം തെറ്റി. 

ജിയോ ന്യൂസിന്റെ റിപ്പോര്‍ട്ട് പ്രകാരം, ഈ അപകടത്തില്‍ ട്രെയിനിന്റെ നാല് കോച്ചുകള്‍ പാളം തെറ്റി, അവയ്ക്ക് സാരമായ കേടുപാടുകള്‍ സംഭവിച്ചു.

ട്രെയിനില്‍ കുടുങ്ങിയ ആളുകളെ എങ്ങനെയോ പുറത്തെടുത്തു. കുറഞ്ഞത് 19 പേരെ രക്ഷപ്പെടുത്തി. പരിക്കേറ്റ എല്ലാവരെയും ആശുപത്രിയില്‍ പ്രവേശിപ്പിച്ചു.

ലോധ്രാന്‍ ഡെപ്യൂട്ടി കമ്മീഷണര്‍ ഡോ. ലുബ്ന നസീര്‍ പറയുന്നതനുസരിച്ച്, മറ്റ് 2 പേരുടെ നില ഗുരുതരമാണ്. അവര്‍ ആശുപത്രിയില്‍ ചികിത്സയിലാണ്. അപകടത്തിന്റെ കാരണം ഇതുവരെ അറിവായിട്ടില്ല. അപകടത്തിന് ശേഷം, ഈ റൂട്ട് കുറച്ച് മണിക്കൂറത്തേക്ക് അടച്ചിട്ടു.  ഇപ്പോള്‍ ട്രെയിനുകളുടെ ഗതാഗതം പുനരാരംഭിച്ചു.

കഴിഞ്ഞ തിങ്കളാഴ്ച മൂസ പാക് എക്‌സ്പ്രസും പാളം തെറ്റി അഞ്ച് യാത്രക്കാര്‍ക്ക് പരിക്കേറ്റിരുന്നു. നേരത്തെ, ലാഹോറില്‍ നിന്ന് ഇസ്ലാമാബാദിലേക്ക് പോകുകയായിരുന്ന ഇസ്ലാമാബാദ് എക്‌സ്പ്രസിന്റെ 10 കോച്ചുകള്‍ പാളം തെറ്റി 30 യാത്രക്കാര്‍ക്ക് പരിക്കേറ്റിരുന്നു.