/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/08/16/bvgcc-2025-08-16-02-57-54.jpg)
വാഷിങ്ടണ്‍: അമേരിക്കയില്‍ എത്തി ഇന്ത്യയ്ക്കെതിരെ ആണവ ഭീഷണി മുഴക്കിയ പാക്കിസ്ഥാന്‍ സൈനിക മേധാവി അസിം മുനീറിനെതിരെ അതി രൂക്ഷമായ വിമര്‍ശനവുമായി മുന്‍ പെന്‍റഗണ്‍ ഉദ്യോഗസ്ഥന്‍ മൈക്കല്‍ റൂബിന്‍. അസീമിന്‍റെ വാക്കുകള്‍ നേരത്തെ ഒസാമ ബിന്‍ ലാദന്‍ നടത്തിയ പരാമര്‍ശങ്ങള്‍ക്കു തുല്യമാണെന്നായിരുന്നു റൂബിന്‍റെ വിമര്‍ശനം.
സൈനിക മേധാവിയുടെ പരാമര്‍ശം ഒരിക്കലും ഉള്‍ക്കൊള്ളാന്‍ കഴിയില്ല. പാക്കിസ്ഥാന്‍ ഒരു തെമ്മാടി രാഷ്ട്രത്തെ പോലെ പെരുമാറുന്നു. കോട്ട് ധരിച്ച ഒസാമ ബിന്‍ ലാദനാണ് അസീം എന്നിങ്ങനെയായിരുന്നു റൂബിന്‍റെ പ്രതികരണം.
യുഎസ് സന്ദര്‍ശനത്തിനിടെ അസിം മുനീര്‍ ഇന്ത്യയ്ക്കെതിരെ അണ്വായുധ ഭീഷണി മുഴക്കിയിരുന്നു. ഇന്ത്യ സിന്ധു നദീതട അണക്കെട്ട് നിര്‍മിച്ചാല്‍ അത് മിസൈല്‍ ഉപയോഗിച്ചു തകര്‍ക്കുമെന്ന് മുനീര്‍ ഭീഷണി മുഴക്കിയത് അമെരിക്കന്‍ ഉദ്യോഗസ്ഥര്‍ പങ്കെടുത്ത യോഗത്തിലാണ്. ഇതിനെതിരെ ഇന്ത്യ കടുത്ത പ്രതിഷേധം രേഖപ്പെടുത്തിയ പിന്നാലെയാണ് മുന്‍ പെന്‍റഗണ്‍ ഉദ്യോഗസ്ഥന്‍ തന്നെ മുനീറിനെതിരെ രൂക്ഷമായ പ്രതികരണവുമായി രംഗത്തെത്തിയത്.