ശ്രീലങ്കൻ മുൻ പ്രസിഡന്റ് അറസ്റ്റിൽ, അഴിമതി കേസിൽ നടപടി

ഡല്‍ഹി: ശ്രീലങ്കന്‍ മുന്‍ പ്രസിഡന്റ് റനില്‍ വിക്രമസിംഗെ അറസ്റ്റിലായി. അഴിമതി കേസിലാണ് അറസ്റ്റിലായത്. ക്രിമിനല്‍ ഇന്‍വെസ്റ്റിഗേഷന്‍ ഡിപ്പാര്‍ട്ട്മെന്റ് (സിഐഡി) വെള്ളിയാഴ്ച കൊളംബോയില്‍ നിന്നാണ് മുന്‍ പ്രസിഡന്റിനെ അറസ്റ്റ് ചെയ്തത്.

ഒരു പഴയ അഴിമതി കേസില്‍ മൊഴി രേഖപ്പെടുത്താന്‍ അദ്ദേഹം സിഐഡി ഓഫീസില്‍ എത്തിയ സമയത്താണ് അദ്ദേഹത്തിന്റെ അറസ്റ്റ് നടന്നത്.

ശ്രീലങ്കന്‍ മുന്‍ പ്രസിഡന്റ് റനില്‍ വിക്രമസിംഗെ വെള്ളിയാഴ്ച എഫ്സിഐഡിക്ക് മുന്നില്‍ ഹാജരായി എന്ന് മാധ്യമ റിപ്പോര്‍ട്ടുകള്‍ അവകാശപ്പെടുന്നു.

മൊഴി രേഖപ്പെടുത്താന്‍ അദ്ദേഹം ഇവിടെ എത്തിയിരുന്നു. മുന്‍ പ്രസിഡന്റിന്റെ അറസ്റ്റിന് ശേഷം അദ്ദേഹത്തെ കൊളംബോ ഫോര്‍ട്ട് മജിസ്ട്രേറ്റിന് മുന്നില്‍ ഹാജരാക്കുമെന്ന് ഉദ്യോഗസ്ഥര്‍ പറയുന്നു.