താരിഫ് അവസാനിച്ചാൽ പകുതി പണം ഞങ്ങൾ തിരികെ നൽകേണ്ടിവരും: ഡൊണാൾഡ് ട്രംപിന്റെ ട്രഷറി സെക്രട്ടറി

വാഷിംഗ്ടണ്‍: താരിഫ് നിരോധിക്കാന്‍ ഉത്തരവിട്ട  യുഎസ് ഫെഡറല്‍ കോടതി നിര്‍ദേശത്തെ ട്രംപ് സുപ്രീം കോടതിയില്‍ ചോദ്യം ചെയ്തു.  സുപ്രീം കോടതിയും താരിഫ് നിരോധിക്കുകയാണെങ്കില്‍ അത് ട്രംപിന് വലിയ തിരിച്ചടിയാകും.

ഡൊണാള്‍ഡ് ട്രംപിന്റെ ട്രഷറി സെക്രട്ടറി സ്‌കോട്ട് ബസന്റിന്റെ അഭിപ്രായത്തില്‍, താരിഫ് അവസാനിപ്പിക്കുന്നത് യുഎസ് ട്രഷറിയില്‍ ആഴത്തിലുള്ള പ്രത്യാഘാതങ്ങള്‍ സൃഷ്ടിക്കും. ഇതോടൊപ്പം, വ്യാപാര കരാറിനെക്കുറിച്ചുള്ള ചര്‍ച്ചകള്‍ക്കിടെ ട്രംപിന്റെ നിലപാട് ദുര്‍ബലമായേക്കാം.

മാധ്യമങ്ങളോട് സംസാരിക്കവെ സ്‌കോട്ട് ബസന്റ് പറഞ്ഞു, 'താരിഫ് അവസാനിച്ചാല്‍, പകുതി പണം തിരികെ നല്‍കേണ്ടിവരും, അത് അമേരിക്കന്‍ ട്രഷറിക്ക് ആഴത്തിലുള്ള പ്രത്യാഘാതങ്ങള്‍ സൃഷ്ടിക്കും. പക്ഷേ കോടതി അങ്ങനെ പറഞ്ഞാല്‍, നമ്മള്‍ അത് ചെയ്യേണ്ടിവരും.'

നേരത്തെ, യുഎസ് നാഷണല്‍ ഇക്കണോമിക് കൗണ്‍സില്‍ ഡയറക്ടര്‍ കെവിന്‍ ഹാസെറ്റും താരിഫ് സംബന്ധിച്ച് മൗനം വെടിഞ്ഞിരുന്നു.

സുപ്രീം കോടതി താരിഫ് നീക്കം ചെയ്യാന്‍ തീരുമാനിച്ചാല്‍ മറ്റ് ഓപ്ഷനുകള്‍ പരിഗണിക്കുമെന്ന് അദ്ദേഹം പറഞ്ഞു. കെവിന്റെ അഭിപ്രായത്തില്‍, സെക്ഷന്‍ 232 പ്രകാരം സ്റ്റീല്‍, അലുമിനിയം എന്നിവയ്ക്ക് താരിഫ് ചുമത്താം.