ചന്ദ്രനിലും ചൊവ്വയിലും മനുഷ്യൻ സ്ഥിരമായി താമസിക്കുക എന്ന ഇലോണ്‍ മസ്‌കിൻ്റെ സ്വപ്‌നം പൂവണിയുന്നു ! സ്പേസ് എക്സ് 11-ാം പരീക്ഷണം വിജയം

ഡല്‍ഹി: സ്റ്റാര്‍ഷിപ്പ് രണ്ടാം പതിപ്പിന്റെ പതിനൊന്നാം വിക്ഷേപണം വിജയകരമായി പൂര്‍ത്തീകരിച്ചു. ഇതോടെ ചന്ദ്രനിലും ചൊവ്വയിലും മനുഷ്യന്‍ സ്ഥിരമായി താമസിക്കുക എന്ന ഇലോണ്‍ മസ്‌കിന്റെ സ്വപ്നമാണ് പൂവണിയുന്നത്. 

റോക്കറ്റിന്റെ പതിനൊന്നാമത്തെയും അവസാനത്തെയും പരീക്ഷണ ദൗത്യമാണിത്. ഏകദേശം ഒരു മണിക്കൂര്‍ നീണ്ടുനിന്ന ആ പറക്കല്‍ അതിന്റെ എല്ലാ ലക്ഷ്യങ്ങളും പൂര്‍ത്തീകരിച്ചു.

ടെക്‌സസിലെ സ്റ്റാര്‍ബേസ് സെന്ററില്‍ നിന്ന് വിക്ഷേപിച്ച ദൗത്യത്തിന്റെ സൂപ്പര്‍ ഹെവി ബൂസ്റ്റര്‍ വിക്ഷേപണത്തിന് വെറും 10 മിനിറ്റിനുശേഷം മെക്‌സിക്കോ ഉള്‍ക്കടലില്‍ സുരക്ഷിതമായി ഇറങ്ങി. 

അതേസമയം, സ്റ്റാര്‍ഷിപ്പ് ഡമ്മി സ്റ്റാര്‍ലിങ്ക് ഉപഗ്രഹങ്ങള്‍ വിക്ഷേപിക്കുകയും ചന്ദ്രനിലേക്കും ചൊവ്വയിലേക്കുമുള്ള ദൗത്യങ്ങള്‍ക്ക് നിര്‍ണായകമായ എഞ്ചിന്‍ പുനരാരംഭിക്കല്‍ വിജയകരമായി പരീക്ഷിക്കുകയും ചെയ്തു.