വ്യക്തമായ തെളിവുകളൊന്നും കണ്ടെത്തിയില്ല. ചൈനയ്ക്ക് വേണ്ടി ചാരവൃത്തി നടത്തിയെന്ന് ആരോപിക്കപ്പെടുന്ന രണ്ട് പേർക്കെതിരായ കുറ്റങ്ങൾ ബ്രിട്ടൻ പിൻവലിച്ചു

യുകെ: ബ്രിട്ടനില്‍ ചൈനയ്ക്ക് വേണ്ടി ചാരവൃത്തി നടത്തിയെന്ന് ആരോപിക്കപ്പെടുന്ന രണ്ട് പേര്‍ക്കെതിരെ ഇനി കുറ്റം ചുമത്തില്ല. ബ്രിട്ടീഷ് പാര്‍ലമെന്റില്‍ ജോലി ചെയ്തിരുന്ന ഒരു മുന്‍ ഗവേഷകനും പ്രതികളില്‍ ഉള്‍പ്പെടുന്നു.

2021 അവസാനത്തിനും 2023 ഫെബ്രുവരിക്കും ഇടയില്‍ ശത്രുവിന് ഉപയോഗപ്രദവും യുകെയുടെ സുരക്ഷയ്ക്കോ താല്‍പ്പര്യങ്ങള്‍ക്കോ ദോഷകരവുമായേക്കാവുന്ന വിവരങ്ങളോ രേഖകളോ യുകെക്ക് നല്‍കുന്നതിലൂടെ ഔദ്യോഗിക രഹസ്യ നിയമം ലംഘിച്ചുവെന്ന ആരോപണം 30 കാരനായ ക്രിസ്റ്റഫര്‍ കാഷും 33 കാരനായ ക്രിസ്റ്റഫര്‍ ബെറിയും നിഷേധിച്ചു.

അടുത്ത മാസം ലണ്ടനിലെ സെന്‍ട്രല്‍ ക്രിമിനല്‍ കോടതിയില്‍ ഇവരെ വിചാരണ ചെയ്യാനിരിക്കുകയായിരുന്നു, എന്നാല്‍ കേസ് തുടരാന്‍ കഴിയില്ലെന്ന് പ്രോസിക്യൂട്ടര്‍മാര്‍ തിങ്കളാഴ്ച പറഞ്ഞു.

കേസിലെ തെളിവുകള്‍ തുടര്‍ച്ചയായി അവലോകനം ചെയ്തുവരികയാണെന്നും ആരോപിക്കപ്പെട്ട കുറ്റകൃത്യം തെളിയിക്കാന്‍ തെളിവുകള്‍ പര്യാപ്തമല്ലെന്ന് ഇപ്പോള്‍ കണ്ടെത്തിയിട്ടുണ്ടെന്നും ക്രൗണ്‍ പ്രോസിക്യൂഷന്‍ സര്‍വീസ് പ്രസ്താവനയില്‍ പറഞ്ഞു. കൂടുതല്‍ തെളിവുകള്‍ ഹാജരാക്കില്ല.