ചില രാജ്യങ്ങൾ മധ്യസ്ഥതയെക്കുറിച്ച് തങ്ങളോട് സംസാരിക്കുന്നു. എന്നാൽ, യുദ്ധം തുടങ്ങിയ അമേരിക്കയോടും ഇസ്രായേലിനോടുമാണ് അവർ സംസാരിക്കേണ്ടത് : ഇറാൻ പ്രസിഡന്റ് മസൂദ് പെഷെഷ്കിയൻ

ടെഹ്‌റാൻ: "ചില രാജ്യങ്ങൾ മധ്യസ്ഥതയെക്കുറിച്ച് തങ്ങളോട് സംസാരിക്കുന്നു. എന്നാൽ, യുദ്ധം തുടങ്ങിയ അമേരിക്കയോടും ഇസ്രായേലിനോടുമാണ് അവർ സംസാരിക്കേണ്ടത്" - ഇറാൻ പ്രസിഡന്റ് മസൂദ് പെഷെഷ്കിയൻ.

അമേരിക്കയും ഇസ്രായേലും ഇറാന് മേൽ നടത്തുന്ന ആക്രമണം ഏഴാം ദിവസത്തിലേക്ക് കടന്നിരിക്കുകയാണ്.

ഈ ആക്രമണങ്ങളിൽ ഇറാന്റെ പരമോന്നത നേതാവ് ഖമേനിയും അദ്ദേഹത്തിന്റെ കുടുംബാംഗങ്ങളും ഉൾപ്പെടെയുള്ള പ്രമുഖ നേതാക്കൾ കൊല്ലപ്പെട്ടു. ഇറാനിൽ കൊല്ലപ്പെട്ടവരുടെ എണ്ണം ആയിരം കടന്നിട്ടുണ്ട്.

ചില രാജ്യങ്ങൾ മധ്യസ്ഥ ചർച്ചകൾക്ക് തുടക്കമിട്ടിട്ടുണ്ട്. ഈ മേഖലയിൽ സമാധാനം നിലനിർത്താൻ തങ്ങൾ പ്രതിജ്ഞാബദ്ധരാണെന്നും ഇറാൻ പ്രസിഡന്റ് വ്യക്തമാക്കി.

രാജ്യത്തിന്റെ പരമാധികാരവും അന്തസ്സും സംരക്ഷിക്കാൻ തങ്ങൾ ഒട്ടും മടിക്കില്ല. ഇറാൻ ജനതയെ കുറച്ചു കാണുന്നവർക്കും ഈ യുദ്ധം തുടങ്ങിയവർക്കും നേരെയാണ് മധ്യസ്ഥർ ശ്രദ്ധ കേന്ദ്രീകരിക്കേണ്ടത്.