വിമാനത്താവളത്തിനു നേരെയുണ്ടായ ആക്രമണം. ഹൂത്തികള്‍ക്ക് കനത്ത തിരിച്ചടി നല്‍കുമെന്ന് നെതന്യാഹു

ടെൻ അവീവ്: ബൻ ഗുരിയോൺ വിമാനത്താവളത്തിനു നേരെ യെമനിലെ ഹൂത്തികൾ നടത്തിയ ആക്രമണത്തിന്​ ഉചിത സമയത്ത്​ കനത്ത തിരിച്ചടി നൽകുമെന്ന്​ ഇസ്രായേൽ പ്രധാനമന്ത്രി ബിന്യമിൻ നെതന്യാഹു. 

ആക്രമിച്ചാൽ തിരിച്ചടിക്കുമെന്ന്​ ഇറാൻ പ്രതികരിച്ചു. ഇസ്രായേലിലേക്കുള്ള മുഴുവൻ സർവീസുകളും നിർത്താൻ വിമാന കമ്പനികൾക്ക്​ ഹൂതികൾ താക്കീത് ​നൽകി.

ബൻ ഗുരിയോൺ വിമാനത്താവളത്തിന്​ സമീപം ഇന്നലെ പതിച്ച ഹൂത്തികളുടെ ഹൈപ്പർസോണിക്​ ബാലിസ്റ്റിക്​ മിസൈലിൻെ നടുക്കത്തിൽ നിന്ന് ഇസ്രായേൽ ഇപ്പോഴും മോചിതരായിട്ടില്ല. 

മിസൈൽ പ്രതി​രോധിക്കുന്നതിൽ അമേരിക്ക കൈമാറിയ 'താഡ്​' സംവിധാനം പരാജപ്പെട്ടതും ഇസ്രായേലിന്​ പുതിയ വെല്ലുവിളിയാണ്.

ഗസ്സക്കുമേലുള്ള ഉപരോധം തുടരുന്ന സാഹചര്യത്തിൽ ഇസ്രായേലിനു മേൽ വ്യോമ ഉപരോധം പ്രഖ്യാപിച്ചതായി യെമനിലെ ഹൂത്തികൾ അറിയിച്ചു. 

ഹൂത്തികൾക്കും അവരെ പിന്തുണക്കുന്ന ഇറാനും കനത്ത തിരിച്ചടി നൽകുമെന്ന്​ ബിന്യമിൻ ​നെതന്യാഹു പറഞു.

സയണിസ്റ്റ്​ രാഷ്ട്രം ആക്രമിച്ചാൽ മാരകമായി തിരിച്ചടിക്കുമെന്ന്​ ഇറാനും താക്കീത്​ ചെയ്തു