മെലാനിയയും ട്രംപും കയറിയ ഉടന്‍ യുഎന്‍ ആസ്ഥാനത്തെ എസ്‌കലേറ്റര്‍ നിലച്ച സംഭവം; ട്രംപിനെ അപമാനിക്കാൻ നടത്തിയ ശ്രമമെന്ന് വൈറ്റ് ഹൗസ്, അന്വേഷണത്തിന് ഉത്തരവിട്ടു

ന്യൂയോര്‍ക്ക്: യുഎന്‍ പൊതുസഭയില്‍ പ്രസിഡന്റ് ഡൊണാള്‍ഡ് ട്രംപും ഭാര്യ മെലാനിയ ട്രംപും കയറിയപ്പോള്‍ എസ്‌കലേറ്റര്‍ പെട്ടെന്ന് നിന്നു. വൈറ്റ് ഹൗസ് അന്വേഷണത്തിന് ഉത്തരവിട്ടു.

വൈറ്റ് ഹൗസ് പ്രസ് സെക്രട്ടറി കരോലിന്‍ ലീവിറ്റ് ഈ സംഭവത്തെ 'അസ്വീകാര്യം' എന്ന് വിശേഷിപ്പിച്ചു. ഇത് ഒരു സാധാരണ തകരാറായിരുന്നില്ലെന്നും അവര്‍ സൂചിപ്പിച്ചു. 

'പ്രസിഡന്റും പ്രഥമ വനിതയും കയറിയപ്പോള്‍ യുഎന്നിലെ ആരെങ്കിലും മനപ്പൂര്‍വ്വം എസ്‌കലേറ്റര്‍ നിര്‍ത്തിയിട്ടതാണെങ്കില്‍, അവരെ ഉടനടി പുറത്താക്കുകയും അന്വേഷണം നടത്തുകയും വേണം,' ലീവിറ്റ് എക്‌സില്‍ കുറിച്ചു.

ടൈംസ് റിപ്പോര്‍ട്ട് അനുസരിച്ച്, ട്രംപ് എത്തുമ്പോള്‍ എസ്‌കലേറ്ററുകളും ലിഫ്റ്റുകളും നിര്‍ത്തിവെക്കാന്‍ യുഎന്‍ ജീവനക്കാര്‍ നേരത്തെ തമാശയായി സംസാരിച്ചിരുന്നു.

സംഘടനയ്ക്ക് 'പണം തീര്‍ന്നു' എന്ന് അദ്ദേഹത്തോട് പറയുമെന്നും അവര്‍ പറഞ്ഞിരുന്നതായി റിപ്പോര്‍ട്ടിലുണ്ട്.