മച്ചാഡോ അത് 'ബഹുമതിയായി' സ്വീകരിച്ചു. 2025 ലെ സമാധാനത്തിനുള്ള നോബല്‍ സമ്മാനം നഷ്ടപ്പെട്ടതിന് പിന്നാലെ പ്രതികരിച്ച് ട്രംപ്

വാഷിംഗ്ടണ്‍: 2025 ലെ സമാധാനത്തിനുള്ള നോബല്‍ സമ്മാനം നേടിയതിന് ശേഷം വെനിസ്വേലന്‍ നേതാവ് മരിയ കൊറിന മച്ചാഡോ തന്നെ വിളിച്ച് ഒരു 'ബഹുമതിയായി' ഈ അവാര്‍ഡ് സ്വീകരിച്ചതായി പറഞ്ഞതായി യുഎസ് പ്രസിഡന്റ് ഡൊണാള്‍ഡ് ട്രംപ്.

വൈറ്റ് ഹൗസില്‍ മാധ്യമപ്രവര്‍ത്തകരോട് സംസാരിച്ച ട്രംപ്, വെനിസ്വേലന്‍ പ്രതിപക്ഷ നേതാവ് 2025 ലെ സമാധാനത്തിനുള്ള നോബല്‍ സമ്മാനം നേടാന്‍ അര്‍ഹയാണെന്ന് പറഞ്ഞു, അക്കാലത്ത് താന്‍ മച്ചാഡോയെ സഹായിച്ചുവെന്നും അദ്ദേഹം കൂട്ടിച്ചേര്‍ത്തു.

വെനിസ്വേലയിലെ പ്രതിപക്ഷ നേതാവായ 58 കാരിയായ മരിയ കൊറിന മച്ചാഡോയ്ക്ക് വെള്ളിയാഴ്ച 2025 ലെ സമാധാനത്തിനുള്ള നോബല്‍ സമ്മാനം ലഭിച്ചു.

'വെനിസ്വേലയിലെ ജനങ്ങളുടെ ജനാധിപത്യ അവകാശങ്ങള്‍ പ്രോത്സാഹിപ്പിക്കുന്നതിനും സ്വേച്ഛാധിപത്യത്തില്‍ നിന്ന് ജനാധിപത്യത്തിലേക്കുള്ള നീതിയുക്തവും സമാധാനപരവുമായ മാറ്റം കൈവരിക്കാനുള്ള പോരാട്ടത്തിനുമാണ് അവാര്‍ഡ്. 

'ദുരന്തസമയത്ത് വെനിസ്വേലയില്‍ അവര്‍ക്ക് ധാരാളം സഹായം ആവശ്യമായിരുന്നു. ദശലക്ഷക്കണക്കിന് ജീവന്‍ രക്ഷിച്ചതിനാല്‍ ഞാന്‍ സന്തോഷവാനാണ്.'  ട്രംപ് പറഞ്ഞു.