വെനിസ്വേലയെ ആക്രമിക്കാൻ അമേരിക്കയ്ക്ക് പദ്ധതിയില്ലെന്ന് ട്രംപ്

വെനിസ്വേല:  കരീബിയനിലെ യുഎസ് പ്രവര്‍ത്തനങ്ങളെച്ചൊല്ലി സമീപ ദിവസങ്ങളില്‍ സംഘര്‍ഷങ്ങള്‍ ഉയര്‍ന്നെങ്കിലും, വെനിസ്വേലയ്ക്കുള്ളില്‍ സൈനിക ആക്രമണങ്ങളൊന്നും പരിഗണിക്കുന്നില്ലെന്ന് യുഎസ് പ്രസിഡന്റ് ഡൊണാള്‍ഡ് ട്രംപ്. 

വെനിസ്വേലയ്ക്കുള്ളില്‍ ആക്രമണം നടത്താന്‍ ട്രംപിന്റെ സര്‍ക്കാര്‍ പദ്ധതിയിടുന്നുണ്ടോ എന്ന് മാധ്യമപ്രവര്‍ത്തകര്‍ ചോദിച്ചപ്പോള്‍ അദ്ദേഹം ഇല്ല എന്ന് പറയുകയായിരുന്നു.

കഴിഞ്ഞ ഏതാനും ആഴ്ചകളായി വെനിസ്വേലന്‍ അതിര്‍ത്തിക്ക് സമീപം നിരവധി വ്യോമ, നാവിക നടപടികളിലൂടെ മയക്കുമരുന്ന് കള്ളക്കടത്ത് ബോട്ടുകള്‍ യുഎസ് നശിപ്പിച്ചതിന് പിന്നാലെയാണ് അദ്ദേഹത്തിന്റെ പ്രസ്താവന.

വെനിസ്വേലയ്ക്കുള്ളില്‍ വാഷിംഗ്ടണ്‍ തങ്ങളുടെ പ്രവര്‍ത്തനങ്ങള്‍ വ്യാപിപ്പിക്കുമെന്ന അഭ്യൂഹങ്ങള്‍ക്ക് ഇത് ആക്കം കൂട്ടിയിരുന്നു.

കടലിനുശേഷം കരയിലൂടെയുള്ള ഓപ്പറേഷനും സാധ്യമാണെന്ന് യുഎസ് കരയിലൂടെയുള്ള ഓപ്ഷനുകള്‍ പരിഗണിക്കുന്നുണ്ടെന്ന് ട്രംപ് തന്നെ മുമ്പ് പ്രസ്താവിച്ചിരുന്നു.