കൊക്കെയ്ന്‍ ഉണ്ടാക്കി അമേരിക്കയിലേക്ക് അയയ്ക്കുന്ന അയാളും സൂക്ഷിക്കണം, കൊളംബിയന്‍ പ്രസിഡന്റ് ഗുസ്താവോ പെട്രോയ്ക്ക് മുന്നറിയിപ്പുമായി ട്രംപ്

ന്യൂയോര്‍ക്ക്:  വെനിസ്വേലന്‍ നേതാവ് നിക്കോളാസ് മഡുറോയെ പിടികൂടിയ യുഎസ് സൈനിക നടപടിയെത്തുടര്‍ന്ന് ലാറ്റിനമേരിക്കയിലുടനീളം സംഘര്‍ഷങ്ങള്‍ കൂടുതല്‍ രൂക്ഷമാക്കിയ സാഹചര്യത്തില്‍, കൊളംബിയന്‍ പ്രസിഡന്റ് ഗുസ്താവോ പെട്രോയോടും സമാന മുന്നറിയിപ്പുമായി യുഎസ് പ്രസിഡന്റ് ഡൊണാള്‍ഡ് ട്രംപ്.

'അയാള്‍ കൊക്കെയ്ന്‍ ഉണ്ടാക്കുകയാണ്, അവര്‍ അത് അമേരിക്കയിലേക്ക് അയയ്ക്കുകയാണ്, അതിനാല്‍ അയാള്‍ക്ക് ശ്രദ്ദിക്കേണ്ടി വരും,' ട്രംപ് ഒരു പത്രസമ്മേളനത്തില്‍ പറഞ്ഞു, സമീപ മാസങ്ങളില്‍ ട്രംപ് പലതവണ പെട്രോയുമായി ഏറ്റുമുട്ടിയിട്ടുണ്ട്. 

വാഷിംഗ്ടണ്‍ വെനിസ്വേലയില്‍ ഒരു രാത്രികാല ഓപ്പറേഷന്‍ നടത്തി, മഡുറോയെ പിടികൂടി രാജ്യത്ത് നിന്ന് പുറത്താക്കിയതിന് മണിക്കൂറുകള്‍ക്ക് ശേഷമാണ് ഈ പരാമര്‍ശങ്ങള്‍ വന്നത്.

ശനിയാഴ്ച പുലര്‍ച്ചെ, അമേരിക്ക വെനിസ്വേലയിലുടനീളം ഏകോപിത സൈനിക ആക്രമണങ്ങള്‍ നടത്തുകയും രാജ്യത്തിന്റെ ദീര്‍ഘകാലം സേവനമനുഷ്ഠിച്ച പ്രസിഡന്റിനെ പിടികൂടുകയും ചെയ്തു, ഈ ഓപ്പറേഷനുശേഷം വാഷിംഗ്ടണ്‍ താല്‍ക്കാലികമായി രാജ്യത്തിന്റെ നിയന്ത്രണം ഏറ്റെടുക്കുമെന്ന് ട്രംപ് പ്രഖ്യാപിച്ചു.