ഗ്രീൻലാൻഡിന്മേൽ അമേരിക്കയ്ക്ക് 'അവകാശമുണ്ടെന്ന്' വൈറ്റ് ഹൗസ്

ന്യൂയോര്‍ക്ക്:  ഗ്രീന്‍ലാന്‍ഡ് പിടിച്ചെടുക്കാനുള്ള പ്രസിഡന്റ് ഡൊണാള്‍ഡ് ട്രംപിന്റെ നിര്‍ദ്ദേശത്തെ വൈറ്റ് ഹൗസ് ഡെപ്യൂട്ടി ചീഫ് ഓഫ് പോളിസി സ്റ്റാഫ് ആയ സ്റ്റീഫന്‍ മില്ലര്‍ ന്യായീകരിച്ചു, ഡെന്‍മാര്‍ക്കിന്റെ പ്രദേശിക അവകാശവാദത്തെ ചോദ്യം ചെയ്തു. 

നാറ്റോയുടെ മുന്‍നിര സൈനിക ശക്തി എന്ന നിലയില്‍, നിയന്ത്രണം ഏറ്റെടുക്കുന്നതിലൂടെ യുഎസ് സൈനിക സഖ്യത്തെയും ആര്‍ട്ടിക് താല്‍പ്പര്യങ്ങളെയും സംരക്ഷിക്കുമെന്ന് അദ്ദേഹം കൂട്ടിച്ചേര്‍ത്തു.

ഗ്രീന്‍ലാന്‍ഡ് അധിനിവേശ ഭീഷണിയെ നിസ്സാരമായി കാണരുതെന്ന് ഡെന്‍മാര്‍ക്ക് പ്രധാനമന്ത്രി മെറ്റ് ഫ്രെഡറിക്‌സന്‍ മുന്നറിയിപ്പ് നല്‍കിയതിനു പിന്നാലെയാണ് ട്രംപിന്റെ സഹായിയുടെ പരാമര്‍ശം. 'യുഎസ് മറ്റൊരു നാറ്റോ രാജ്യത്തെ ആക്രമിച്ചാല്‍ എല്ലാം നിലയ്ക്കും' എന്നായിരുന്നു ട്രംപിന്റെ പ്രസ്താവന.