ട്രംപ് ഭരണകൂടം കുടിയേറ്റക്കാരെ അറസ്റ്റ് ചെയ്ത് പുറത്താക്കാന്‍ തുടങ്ങിയത് അവരുടെ അവകാശങ്ങളുടെ ലംഘനം. രാജ്യത്ത് നിന്ന് കുടിയേറ്റക്കാരെ പുറത്താക്കുന്നതില്‍ ശ്രദ്ധ കേന്ദ്രീകരിക്കുന്നത് ശരിയല്ല. ഡൊണാള്‍ഡ് ട്രംപിന്റെ ഫാസ്റ്റ് ട്രാക്ക് നാടുകടത്തല്‍ നടപടിയെ വിമര്‍ശിച്ച് യുഎസ് കോടതി

ന്യൂയോര്‍ക്ക്:  യുഎസ് കോടതിയില്‍ നിന്ന് യുഎസ് പ്രസിഡന്റ് ഡൊണാള്‍ഡ് ട്രംപിന് വീണ്ടും തിരിച്ചടി. താരിഫ് നിയമവിരുദ്ധമാണെന്ന് പ്രഖ്യാപിച്ചതിന് ശേഷം, ട്രംപിന്റെ ഫാസ്റ്റ് ട്രാക്ക് നാടുകടത്തലിനെ യുഎസ് കോടതി വിമര്‍ശിച്ചു. ട്രംപിന്റെ ഈ തീരുമാനം കുടിയേറ്റക്കാരുടെ അവകാശങ്ങളുടെ ലംഘനമാണെന്ന് കോടതി പറയുന്നു.

ജനുവരിയില്‍ ട്രംപ് ഭരണകൂടം കുടിയേറ്റക്കാരെ പുറത്താക്കാന്‍ തുടങ്ങി. വാഷിംഗ്ടണ്‍ ഡിസിയിലെ ജില്ലാ ജഡ്ജി ഗിയ കോബിന്റെ അഭിപ്രായത്തില്‍, കുടിയേറ്റക്കാരെ നേരത്തെയും തിരിച്ചറിഞ്ഞ് പുറത്താക്കിയിരുന്നു.

എന്നാല്‍, ജനുവരിക്ക് ശേഷം ഈ പ്രക്രിയ വേഗത്തിലായി. യുഎസ് പൗരത്വം ഇല്ലാത്തവരെയും രണ്ട് വര്‍ഷമായി യുഎസില്‍ താമസിക്കുന്നുണ്ടെന്നതിന് തെളിവില്ലാത്തവരെയും അറസ്റ്റ് ചെയ്യും.

യുഎസ് കോടതിയുടെ ഈ തീരുമാനം സ്റ്റേ ചെയ്യണമെന്ന് ട്രംപ് ഭരണകൂടം അപ്പീല്‍ നല്‍കിയിട്ടുണ്ട്. ഈ വിഷയത്തില്‍ സുപ്രീം കോടതിയെ സമീപിക്കുമെന്ന് ട്രംപ് ഭരണകൂടം പറയുന്നു. എന്നാല്‍ ജില്ലാ ജഡ്ജി ഇത് സ്റ്റേ ചെയ്യാന്‍ വിസമ്മതിച്ചു.

നേരത്തെ യുഎസ് ഫെഡറല്‍ കോടതി ട്രംപിന്റെ താരിഫ് നിയമവിരുദ്ധമാണെന്ന് പ്രഖ്യാപിച്ചിരുന്നു. താരിഫ് നീക്കം ചെയ്യാനും സുപ്രീം കോടതിയില്‍ അപ്പീല്‍ നല്‍കാനും ട്രംപ് ഭരണകൂടത്തിന് ഒക്ടോബര്‍ 14 വരെ കോടതി സമയം നല്‍കിയിട്ടുണ്ട്.