/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/06/05/h4r6fVNlw42WhvHdP8Jt.jpg)
ന്യൂയോര്‍ക്ക്: താന്‍ എട്ട് യുദ്ധങ്ങള്‍ നിര്‍ത്തി എന്നും റഷ്യന്‍ പ്രസിഡന്റ് വ്ളാഡിമിര്‍ പുടിനുമായി ഒന്ന് കൂടി മാത്രമേ ബാക്കിയുള്ളൂ എന്നും യുഎസ് പ്രസിഡന്റ് ഡൊണാള്‍ഡ് ട്രംപ്. സൗദി കിരീടാവകാശി മുഹമ്മദ് ബിന്‍ സല്‍മാനോടൊപ്പം ഓവല്‍ ഓഫീസില്‍ ഇരിക്കവെയായിരുന്നു ട്രംപിന്റെ ഈ പരാമര്‍ശങ്ങള്‍.
'ഈ ഓഫീസുമായി ഞങ്ങള്‍ നല്ല കാര്യങ്ങള്‍ ചെയ്തിട്ടുണ്ട്. ഞാന്‍ യഥാര്‍ത്ഥത്തില്‍ എട്ട് യുദ്ധങ്ങള്‍ നിര്‍ത്തി, പുടിനുമായി എനിക്ക് ഒരെണ്ണം കൂടി തീര്‍ക്കാനുണ്ട്. ഇതിന് ഞാന്‍ കരുതിയതിലും കൂടുതല്‍ സമയമെടുക്കുന്നു.' ട്രംപ് പറഞ്ഞു.
താന്‍ തടഞ്ഞുവെന്ന് പറയപ്പെടുന്ന സംഘര്‍ഷങ്ങളെക്കുറിച്ച് ട്രംപ് കൂടുതല്‍ വിവരങ്ങള്‍ നല്‍കിയില്ല. എന്നാല്‍ ഇന്ത്യയും പാകിസ്താനും താന്‍ ശാന്തമാക്കാന്‍ സഹായിച്ച സംഘര്‍ഷ കേന്ദ്രങ്ങളില്‍ ഒന്നാണെന്ന് അദ്ദേഹം ചൂണ്ടിക്കാട്ടി.
താന്‍ സമാധാന ഉടമ്പടികള്‍ എന്ന് വിശേഷിപ്പിച്ച കാര്യങ്ങളില്‍ ഒപ്പുവെക്കാന്‍ നിരവധി നേതാക്കള്‍ ഓവല്‍ ഓഫീസില്‍ വന്നതില്‍ താന്‍ അഭിമാനിക്കുന്നുവെന്നും അദ്ദേഹം കൂട്ടിച്ചേര്‍ത്തു.