ഇന്ത്യ പാകിസ്ഥാനെതിരെ യുദ്ധത്തിന് പോകില്ലെന്ന് പ്രധാനമന്ത്രി മോദി എന്നെ വിളിച്ചു പറഞ്ഞു: ഇന്ത്യ-പാക് സംഘർഷത്തിൽ ട്രംപിൻ്റെ അവകാശവാദം

ഡല്‍ഹി: ഇന്ത്യ-പാകിസ്ഥാന്‍ സംഘര്‍ഷത്തെക്കുറിച്ച് യുഎസ് പ്രസിഡന്റ് ഡൊണാള്‍ഡ് ട്രംപിന്റെ പുതിയ അവകാശവാദം.

ഇത്തവണ യുഎസ്-സൗദി നിക്ഷേപ ഫോറത്തില്‍ സംസാരിക്കവെ, 350% തീരുവ ചുമത്തുമെന്ന് ഇരുപക്ഷത്തെയും ഭീഷണിപ്പെടുത്തിയതിന് ശേഷം ഇന്ത്യ പാകിസ്ഥാനെതിരെ യുദ്ധത്തിന് പോകില്ലെന്ന് പ്രധാനമന്ത്രി നരേന്ദ്ര മോദി തന്നെ നേരിട്ട് വിളിച്ച് പറഞ്ഞതായി ട്രംപ് അവകാശപ്പെട്ടു.

മെയ് 10 ന് ഇന്ത്യയും പാകിസ്ഥാനും വെടിനിര്‍ത്തല്‍ കരാറില്‍ എത്തിയതിനുശേഷം, രണ്ട് ആണവായുധ രാജ്യങ്ങള്‍ തമ്മിലുള്ള വെടിനിര്‍ത്തലിന് താന്‍ മധ്യസ്ഥത വഹിച്ചുവെന്ന് ട്രംപ് 60 തവണയില്‍ കൂടുതല്‍ അവകാശപ്പെടുകയും അവര്‍ വഴങ്ങിയില്ലെങ്കില്‍ വന്‍ തീരുവ ചുമത്തുമെന്ന് മുന്നറിയിപ്പ് നല്‍കുകയും ചെയ്തിട്ടുണ്ട്. എന്നാല്‍ വെടിനിര്‍ത്തല്‍ പാകിസ്ഥാനുമായി നേരിട്ട് ഉണ്ടാക്കിയതാണെന്ന് ഇന്ത്യ വാദിച്ചു