മിനസോട്ടയിൽ താമസിക്കുന്ന സൊമാലിയക്കാർക്കുള്ള താൽക്കാലിക നാടുകടത്തൽ സംരക്ഷണം ഉടൻ അവസാനിപ്പിക്കുകയാണെന്ന് യുഎസ് പ്രസിഡന്റ് ഡൊണാൾഡ് ട്രംപ്

മിനസോട്ട:  മിനസോട്ടയില്‍ താമസിക്കുന്ന സൊമാലിയക്കാര്‍ക്കുള്ള താല്‍ക്കാലിക നാടുകടത്തല്‍ സംരക്ഷണം ഉടന്‍ അവസാനിപ്പിക്കുകയാണെന്ന് യുഎസ് പ്രസിഡന്റ് ഡൊണാള്‍ഡ് ട്രംപ്. 

1991 ല്‍ പ്രസിഡന്റ് ജോര്‍ജ്ജ് എച്ച്ഡബ്ല്യു ബുഷിന്റെ കീഴില്‍ ആദ്യമായി ആരംഭിച്ച ഒരു പരിപാടിയാണ് അവസാനിപ്പിക്കുന്നത്.

'സൊമാലിയന്‍ സംഘങ്ങള്‍ മിനസോട്ടയെ ഭയപ്പെടുത്തുന്നു' എന്ന് ട്രൂത്ത് സോഷ്യലില്‍ ട്രംപ് അവകാശപ്പെടുകയും 'കോടിക്കണക്കിന് ഡോളര്‍ നഷ്ടപ്പെട്ടിരിക്കുന്നു' എന്ന് ആരോപിക്കുകയും ചെയ്തു.

ആരോപണങ്ങള്‍ക്ക് ഒരു തെളിവും നല്‍കാതെ സംസ്ഥാനത്തെ സൊമാലികള്‍ക്ക് താല്‍ക്കാലിക സംരക്ഷിത പദവി (ടിപിഎസ്) നല്‍കുന്നത് 'ഉടന്‍ പ്രാബല്യത്തില്‍' നിര്‍ത്തലാക്കുകയാണെന്ന് അദ്ദേഹം പ്രഖ്യാപിച്ചു.