ആണവായുധ പരീക്ഷണം: റഷ്യക്ക് പിന്നാലെ ആണവായുധ പരീക്ഷണത്തിനു ഒരുങ്ങി അമേരിക്ക. ആണവായുധങ്ങൾ പരീക്ഷിക്കാൻ തുടങ്ങാൻ സൈന്യത്തിന് നിർദ്ദേശം നൽകിയെന്ന് റിപ്പോർട്ട്

വാഷിംഗ്ടൺ: അമേരിക്ക ആണവായുധങ്ങൾ പരീക്ഷിക്കുമോ എന്ന ചോദ്യത്തിന്, "നിങ്ങൾക്ക് അത് ഉടൻ അറിയാൻ കഴിയും" എന്ന് മറുപടിയുമായി പ്രസിഡന്റ് ട്രംപ്.

റഷ്യ കഴിഞ്ഞ ദിവസം ആണവായുധങ്ങൾ വഹിക്കാൻ ശേഷിയുള്ള ആണവോർജ്ജം ഉപയോഗിച്ച് പ്രവർത്തിക്കുന്ന മിസൈലിന്റെ പരീക്ഷണം അടുത്തിടെ നടത്തിയിരുന്നു. 

ഇതിനെത്തുടർന്ന്, ആണവായുധങ്ങൾ വഹിക്കാൻ കഴിയുന്ന, ആണവശക്തിയാൽ പ്രവർത്തിക്കുന്ന ഒരു അന്തർവാഹിനി ഡ്രോണും റഷ്യ വിജയകരമായി പരീക്ഷിച്ചിരുന്നു.

അതേസമയം, 1992 മുതൽ ആണവായുധ പരീക്ഷണങ്ങൾ അമേരിക്ക നിർത്തിവച്ചിരുന്നു. റഷ്യ, ചൈന തുടങ്ങിയ മറ്റ് രാജ്യങ്ങൾ ആണവായുധങ്ങൾ പരീക്ഷിക്കുന്നതിനാൽ, തങ്ങളുടെ ആണവായുധങ്ങൾ പരീക്ഷിക്കാൻ തുടങ്ങാൻ സൈന്യത്തിന് നിർദ്ദേശം നൽകിയിട്ടുണ്ടെന്ന് അമേരിക്കൻ പ്രസിഡന്റ് ട്രംപ് പറഞ്ഞിരുന്നു.

ട്രംപിന്റെ ഈ തീരുമാനം അമേരിക്ക, റഷ്യ, ചൈന എന്നീ രാജ്യങ്ങൾക്കിടയിൽ ഒരു ആണവായുധ മത്സരത്തിന് തിരികൊളുത്തും എന്ന് വിദഗ്ദ്ധർ അഭിപ്രായപ്പെട്ടിരുന്നു.